+7 (701) 759 90 19
USD 436.29 EUR 492.83
RUB 5.92 CNY 68.48
جاڭالىقتار

نيۋ- يوركتەن ماياميگە 11 مىڭ تەڭگەگە ۇشۋعا بولادى

16 قازان 17:24
:ءبولىسۋ

نۇر-سۇلتان.قازاقپارات –ب ۇ ۇ- نىڭ زەرتتەۋىنشە، 2020 -جىلى جاھاندىق تۋريزم 2,4 تريلليون دوللار شىعىنعا باتتى.

بيىل بۇل كورسەتكىش 4 تريللونعا دەيىن جەتۋى مۇمكىن دەگەن بولجام بار. دەلتا شتامىنىڭ ءورشۋى سالاعا اۋىر سوققى بولدى. الايدا الەم ەلدەرى تىعىرىقتان شىعۋدىڭ جولدارىن قاراستىرىپ جاتىر. ماسەلەن، امەريكا قۇراما شتاتتارى قاراشادان باستاپ 30 دان استام ەلگە قويىلعان شەكتەۋلەردى الىپ تاستايتىنىن مالىمدەدى. تۋريزم سالاسى جانارماي مەن حيميالىق ونىمدەردەن كەيىنگى ەكسپورتتىڭ ەڭ ءىرى سەكتورلارىنىڭ بىرىنە جاتادى.

الەمدىك ج ءى و- ءنىڭ شامامەن 10 پروتسەنتىن قۇرايتىن قىزمەت كورسەتۋ يندۋسترياسى - كەيبىر ەلدەر ءۇشىن تابىستىڭ نەگىزگى كوزى. الايدا قۇراما شتاتتار ولاردىڭ، ياعني تۋريزمگە تاۋەلدى ەلدەردىڭ قاتارىنا كىرمەيدى. دەي تۇرعانمەن، بۇل سالانىڭ تۇرالاۋى ەل ەكونوميكاسىنا ايتارلىقتاي اسەر ەتتى دەيدى ماماندار.

ەد سالۆاتو، تۋريزم جۋرنالىنىڭ باس رەداكتورى، ساياحاتتانۋشى:

- پاندەمياعا دەيىن كورشىلەس كانادا مەن مەكسيكادان كەلەتىن تۋريستەردەن ا ق ش قورجىنىنا 1.2 تريلليون دوللار تۇسەتىن، ال قازىر بۇل كورسەتكىش 600 ميللياردقا دا جەتپەيدى. ا ق ش- تا ءتۋريزمىنىڭ تۇرالاعانى سونشالىق، ميلليونداعان ادام جۇمىسسىز قالىپ، تابىسىنان ايىرىلدى. ال جۇمىسسىزدىقتىڭ ءوسۋى ءسوزسىز ەكونوميكانىڭ السىرەۋىنە اكەلەدى. جاعدايدى وڭالتۋ ءۇشىن شەتەلدىك تۋريستەردىڭ كەلۋىنە جاعداي جاساۋىمىز كەرەك دەپ ويلايمىن.

ا ق ش ۇكىمەتى بىلتىرعى جىلدىڭ ناۋرىز ايىندا كۇشىنە ەنگەن شەكارالىق شەكتەۋلەردى الىپ تاستادى. ەندى قاراشانىڭ 8 ىنەن باستاپ يران، برازيليا، شەنگەن ەلدەرى مەن وزگە دە 33 مەملكەتتىڭ تۋريستەرى ا ق ش اۋماعىنا وتە الادى. باستى تالاپ تولىقتاي ۆاكسينا الساڭىز بولعانى دەيدى اق ءۇي وكىلدەرى.

مۇنداي اقجولتاي حابار جەرگىلىكتى شاعىن جانە ورتا بيزنەس وكىلدەرىن دە قۋانتقانى ءسوزسىز.

ارماندو اگۋليار، كاسىپكەر:

- شەتەلدىك تۋريستەردىڭ ەش قيىندىقسىز كەلە الاتىنى وتە جاقسى جاڭالىق. ويتكەنى ءبىزدىڭ كاسىبىمىزدە تۋريستەردەن كوبىرەك پايدا تۇسەدى. مەن سياقتى وزگە دە بيزنەس وكىلدەرى وسى ۋاقىتقا دەيىن شەتەلدىك تۋريستەردىڭ جوقتىعىنان قينالىپ كەلگەنىن بىلەمىن. شەتەلدىك جانە جەرگىلىكتى تۋريستەردى تارتۋ ءۇشىن ۇشاق بيلەتتەرى دە ءبىرشاما ارزانداعان. ماسەلەن نيۋ- يورك پەن مايامي ارالىعىنا قاتىناۋ ءۇشىن بيلەت قۇنى 24 دوللاردان باستالادى. بۇل شامامەن 11 مىڭ تەڭگە جانە اقتوبە مەن نۇرسۇلتان قالاسىنىڭ اراسىنداي قاشىقتىق.

سالا ماماندارىنىڭ ايتۋىنشا، مۇنداي جەڭىلدىكتەر ۇزاققا سوزىلماۋى مۇمكىن. ويتكەنى وزگە ەلدەرگە قويىلىپ كەلگەن شەكتەۋلەر الىنعان سوڭ شەتەلدىك تۋريستەر تىم كوبەيىپ كەتۋى ىقتيمال.

ەد سالۆاتو، تۋريزم جۋرنالىنىڭ باس رەداكتورى، ساياحاتتانۋشى:

- قازىر جاي عانا ماۋسىمدىق جەڭىلدىكتەر بولىپ جاتىر. ءبىراق بۇل باعا قىستىڭ كەلۋىمەن وزگەرەرى ءسوزسىز. ويتكەنى قىس مەزگىلىندە نيۋ- يورك سياقتى سۋىق قالادان جىلى جاقا قاراي ۇشامىن دەۋشىلەردىڭ سانى ارتادى. قازىردىڭ وزىندە قوناق ۇيلەردىڭ باعالارى كوتەرىلۋدە. سودان- اق بايقاي بەرسەڭىز بولادى.

مامانداردىڭ ايتۋىنشا وڭ وزگەرىستەرگە قاراماستان تۋريزم سالاسىنىڭ پاندەمياعا دەيىنگى قالپىنا كەلۋى ءۇشىن ءبىر ەمەس، بىرنەشە جىل ۋاقىت قاجەت بولۋى مۇمكىن. ويتكەنى ۇزاق ۋاقىت تۇرالاپ قالعان سالانىڭ جاندانۋى الەم حالىقتارىنىڭ تولىقتاي ۆاكتسينا الۋىنا دا بايلانىستى. ال بۇل پروتسەسس اناۋ ايقتانداي قارقىندى ءجۇرىپ جاتقان جوق دەيدى ساراپشىلار.

تالعات المانوۆ

www.24.kz


#الةم  
:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049

مۇراعات