قازاقستاندىقتار 11 مەملەكەتكە پ ت ر تەست تاپسىرماي ساپارلاي الادى

نۇر-سۇلتان. قازاقپارات – ق ر سىرتقى ىستەر مينيسترلىگى گرۋزيا، قىرعىزستان، ماجارستان، مولدوۆا، موڭعوليا، تايلاند جانە تۇركيانىڭ ۋاكىلەتتى ورگاندارىمەن ۆاكسينالاۋ پاسپورتتارىن ءوزارا تانۋ بويىنشا نوتالارمەن الماستى.

بۇل تۋرالى قازاقپارات س ءى م سىلتەمە جاساپ حابارلايدى.

«كوروناۆيرۋسقا قارسى ۆاكسينالاۋدىڭ تولىق كۋرسىنان وتكەن قازاقستان جانە جوعارىدا اتالعان ەلدەردىڭ ازاماتتارى COVID-19-گە قارسى ۆاكسينالاۋ پاسپورتتارى نەگىزىندە مەملەكەتتىك شەكارالاردى كارانتيندىك شەكتەۋلەرسىز (پ ت ر تەست تاپسىرۋ، ءوزىن- ءوزى وقشالاۋ جانە ت. ب.) كەسىپ وتە الادى. سونىمەن بىرگە، بەلارۋس، ۆەتنام، مىسىر جانە ومان سياقتى ەلدەر شەتەلدىك مەملەكەتتەردىڭ ۆاكسينالاۋ پاسپورتتارىن ءبىرجاقتى تارتىپپەن تانىدى جانە كەلۋشىلەرگە كىرۋدى جەڭىلدەتتى. اتالعان ەلدەردگە بارۋ ءۇشىن قازاقستان ازاماتتارىنا شەقارالىق وتكىزۋ پۋنكتتەرىندە COVID-19-گە قارسى ۆاكسينالاۋدى راستايتىن قۇجاتتى ۇسىنۋ جەتكىلىكتى»، - دەلىنگەن حابارلامادا.

بۇگىنگى تاڭدا ارگەنتينا، ارمەنيا، ازەربايجان، يوردانيا، يندونەزيا، ماروككو، وزبەكستان، رەسەي، فيليپپيندەر جانە ت. ب. مەملەكەتتەرمەن COVID-19-گە قارسى ۆاكسينالاۋ پاسپورتتارىن ءوزارا تانۋ بويىنشا كەلىسسوزدەر جۇرگىزىلۋدە. ءتيىستى جۇمىستار تۇراقتى نەگىزدە جالعاسۋدا، وسى ماسەلە ق ر س ءى م-نىڭ باقىلاۋىندا.