+7 (701) 759 90 19
25 °С : نۇر-سۇلتان
25 °С : الماتى
USD 426.77 EUR 509.95
RUB 5.89 CNY 66.34
جاڭالىقتار

11- ماۋسىم. قازاقپارات كۇنتىزبەسى

11 ماۋسىم 09:30
:ءبولىسۋ
11- ماۋسىم. قازاقپارات كۇنتىزبەسى

نۇر- سۇلتان. قازاقپارات - قازاقپارات وقىرماندارىنا 2021 -جىلعى 11-ماۋسىمعا ارنالعان كۇنتىزبەسىن ۇسىنادى.

ەستە قالار وقيعالار

1918 -جىلى الاش وردا ۇكىمەتى سوۆەت ۇكىمەتىنىڭ قازاقستان اۋماعىنداعى بارلىق دەكرەتتەرىنىڭ كۇشىن جويىپ، زاڭسىز دەپ جاريالادى. بۇل تۋرالى الاش وردا ۇكىمەتىنىڭ ارنايى قاۋلىسى قابىلداندى.

«الاش اۆتونومياسىنىڭ اۋماعىندا سوۆەت ۇكىمەتى شىعارعان بارلىق دەكرەتتەردىڭ كۇشى جويىلسىن. الاش وردا ءتوراعاسى ءا. بوكەيحانوۆ، مۇشەلەرى م. تىنىشبايەۆ، ح. عابباسوۆ» دەلىنگەن قاۋلىدا.

1991 -جىلى قازاقستان رەسپۋبليكاسىنىڭ جاڭا ەكونوميكالىق قۇرىلىمداردى قولداۋ جانە مونوپوليالىق قىزمەتتى شەكتەۋ مەملەكەتتىك كوميتەتى قۇرىلدى.

قازاقستان رەسپۋبليكاسى پرەزيدەنتىنىڭ 1993 -جىلعى قاڭتاردىڭ 11 ىندەگى جارلىعىمەن اتالمىش كوميتەت قازاقستان رەسپۋبليكاسىنىڭ مونوپولياعا قارسى ساياسات جونىندەگى مەملەكەتتىك كوميتەتى بولىپ قايتا قۇرىلدى.

2002 -جىلى سولتۇستىك قازاقستان وبلىسىنىڭ سەليننىي اۋدانىنا عابيت مۇسىرەپوۆتىڭ ەسىمى بەرىلدى. بۇل تۋرالى پرەزيدەنتتىڭ جارلىعى شىقتى.

2008 -جىلى قازاقستان- فرانسيا ىنتىماقتاستىعىن دامىتۋعا قوسقان سۇبەلى ۇلەسى ءۇشىن نۇرسۇلتان نازاربايەۆ فرانسيانىڭ قۇرمەتتى لەگيون وردەنىنىڭ ۇلكەن كرەسىمەن ناگرادتالدى. ۇلكەن كرەست فرانسيانىڭ ەڭ جوعارعى ناگراداسى - قۇرمەتتى لەگيون وردەنىنىڭ ەڭ بيىك ماراپاتى. ونى فرانسيا پرەزيدەنتى اسكەري نەمەسە ازاماتتىق سالادا ەرەكشە ەڭبەك سىڭىرگەندەرگە تابىس ەتەدى. وردەندى 1802 -جىلعى 19-مامىردا مەملەكەتتى قايتا قۇرۋ كەزەڭىندە ناپولەون بوناپارت بەكىتكەن.

2010 -جىلى تاشكەنت قالاسىندا وتكەن شانحاي ىنتىماقتاستىق ۇيىمىنا مۇشە ەلدەردىڭ مەملەكەت باسشىلارى كەڭەسىنىڭ X ءماجىلىسى اياقتالعان سوڭ ش ى ۇ- عا ءتوراعالىق وزبەكستاننان قازاقستانعا ءوتتى.

ش ى ۇ- نىڭ ءتوراعاسى رەتىندەگى قازاقستاننىڭ ءىس جۇزىندەگى قادامدارى ۇيىمعا مۇشە ەلدەردىڭ كوپسالالى ىنتىماقتاستىعىن تەرەڭدەتۋ بويىنشا ورتاق كۇش- جىگەردىڭ مۇراگەرلىگىن قامتاماسىز ەتۋگە باعىتتالدى.

2012 -جىلى قازاقستان رەسپۋبليكاسى ۇكىمەتىنىڭ «تەلەراديو حابار تاراتۋ تۋرالى» № 777 قاۋلىسى بەكىتىلدى. وعان سايكەس، «قازتەلەراديو» اق قازاقستان رەسپۋبليكاسىندا تەلەراديو حابار تاراتۋدىڭ ۇلتتىق وپەراتورى بولىپ بەلگىلەندى.

2014 -جىلى حالىقارالىق كورمەلەر بيۋروسى (ح ك ب) باس اسسامبلەياسىنىڭ 155- سەسسياسى اياسىندا قازاقستانعا حالىقارالىق كورمەلەر بيۋروسىنىڭ (ح ك ب) تۋىن تابىستاپ، ەكسپو-2017 كورمەسى رەسمي تۇردە مويىندالدى.

2014 -جىلى سولتۇستىك جارتىشارداعى ارىستان شوقجۇلدىزىندا قازاقستاندىق ەسترادا قايراتكەرلەرىنە ارنالعان «استانا جۇلدىزى» پايدا بولدى.

2014 -جىلى ح. ماقاجانوۆا اتىنداعى قاراعاندى وبلىستىق تراۆماتولوگيا جانە ورتوپەديا ورتالىعى ەۋروپالىق ساپا زەرتتەۋ قوعامىنىڭ (ESKR) سىيلىعىمەن ماراپاتتالدى. ماراپاتتاۋ ءراسىمى بريۋسسەلدە (بەلگيا) ءوتتى. كلينيكادا جىل سايىن جاراقات العان جانە تىرەك- قيمىل اپپاراتىنىڭ اۋرۋلارى بار 6 مىڭنان استام پاتسيەنت ەمدەلۋدە.

2009 -جىلدان باستاپ بۇل جەردە جامباس جانە تىزە بۋىندارىن ەندوپروتەزدەۋ جۇرگىزىلەدى، 5 جىل ىشىندە 1500 دەن استام وتا جاسالدى.

2016 -جىلى ماسكەۋدە «مۇراگەر» قازاق اقپاراتتىق- مادەني ورتالىعى قىزمەتىنىڭ تانىستىرىلىمى ءوتتى. ورتالىقتىڭ باستى ماقساتى - قازاق مادەنيەتى مەن ادەبيەتىن دارىپتەۋ.

2017 -جىلى تۇركيا استاناسى انكارانىڭ كەچيورەن اۋدانىندا ايتىس ونەرىنىڭ ءدۇلدۇلى، اقيىق اقىن ءسۇيىنباي ارون ۇلىنىڭ ساياباعى جانىنان جامبىل جابايەۆ اتىنداعى كوشە سالتاناتتى تۇردە اشىلدى.

2017 -جىلى مينسكىدە ەرلەر اراسىندا وتكەن ەۋروپا چەمپيوناتىندا تاراز قالاسىنىڭ 13 جاسار تۇرعىنى ءبيبىسارا اساۋبايەۆا شاحماتتان ەرلەردىڭ حالىقارالىق سپورت شەبەرى ستاندارتىن ورىنداپ، اۆتوماتتى تۇردە حالىقارالىق شاحمات فەدەراتسياسىنىڭ (FIDE) شاحماتتان ەرلەردىڭ حالىقارالىق سپورت شەبەرى اتاندى.

2018 -جىلى قازاقستان رەسپۋبليكاسىنىڭ قارۋلى كۇشتەرىندە (ق ر ق ك) العاش رەت اسكەري- عىلىمي ۆزۆودقا اسكەري قىزمەتشىلەردى ىرىكتەۋ تاجىريبەسى باستالدى، ىرىكتەۋدىڭ باستى كريتەريى - اقپاراتتىق تەحنولوگيالار، عىلىم جانە روبوت تەحنيكاسى سالاسىندا ءبىلىم بەرۋ.

2020 -جىلى قازاقستاندا «بايتەرەك» ۇلتتىق باسقارۋ حولدينگىنىڭ بازاسىندا قولجەتىمدى باسپانا قۇرىلىسىن قارجىلاندىرۋ، ارەندالىق باسپانا ۇسىنۋمەن اينالىساتىن، سونداي- اق ۇلەسكەرلەر قاراجاتىنىڭ ساقتالۋىن قامتاماسىز ەتەتىن تۇرعىن ءۇي قۇرىلىسىنىڭ ءبىرىڭعاي وپەراتورى قۇرىلدى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات