15:16, 15 - قاڭتار 2021 | GMT +6
جول اپاتى 11 ادامنىڭ ءومىرىن قيىپ كەتتى
نيۋ-دەلي. قازاقپارات - جۇما كۇنى ءۇندىستاننىڭ وڭتۇستىگىندەگى كارناتاكا شتاتىندا جۇك كولىگى مەن جولاۋشىلار فۋرگونى سوقتىعىسىپ، سالدارىنان كەم دەگەندە 11 ادام قازا تاۋىپ، تاعى جەتەۋى جاراقاتتانعان.
بۇل تۋرالى قازاقپارات Hindustan Times گازەتىنە سىلتەمە جاساپ حابارلايدى.
باسىلىمنىڭ مالىمەتىنشە، وقيعا دحارۆاد ايماعىنداعى كۇرە جولدا ورىن العان. مەرت بولعانداردىڭ كوبى - ايەلدەر. سونداي-اق اۆتوفۋرگون جۇرگىزۋشىسى قازا تاپتى. زارداپ شەككەن بىرنەشە ادامنىڭ جاعدايى اۋىر. پوليتسيا وقيعانىڭ ءمان-جايىن انىقتاۋعا كىرىستى.