تۇركيادا كوروناۆيرۋسقا قارسى ەگۋ ناۋقانى 11-جەلتوقساندا باستالادى

نۇر-سۇلتان. قازاقپارات - بۇل تۋرالى ەلدىڭ دەنساۋلىق ساقتاۋ ءمينيسترى فاحرەتتين قوجا مالىمدەدى. ونىڭ ايتۋىنشا، ۆاكتسيناتسيا 4 كەزەڭ بويىنشا جۇرگىزىلەدى.

العاشقىدا ەكپەنى مەديتسينا قىزمەتكەرلەرى، 65 جاستان اسقان ازاماتتار، مۇگەدەكتەر، قارتتار جانە جەتىمدەرگە سالىنادى. ەكىنشى كەزەكتە حالىقپەن تىعىز بايلانىستا جۇمىس ىستەيتىن قىزمەتكەرلەر مەن 50 جاستان ۇلكەن كەم دەگەندە ءبىر سوزىلمالى اۋرۋى بار ازاماتتار، ودان كەيىن 50 جاسقا دەيىنگى ازاماتتار سوزىلمالى اۋرۋمەن اۋىراتىندار جانە العاشقى ەكى توپتاعى تۇرعىندار قامتىلعان.

سوڭعى كەزەكتە قالعان تۇرعىندار بار. ايتا كەتكەن ءجون، تۇركيا ەكپە ءۇشىن قىتايدان 50 ميلليون دوزا CoronaVac جانە 25 ميلليون BioNTech پەن Pfizer ەكپەسىن ساتىپ الماق.

فاحرەتتين قوجا، تۇركيا دەنساۋلىق ساقتاۋ ءمينيسترى:

- 50 ميلليون قىتايدىڭ CoronaVac ۆاكتسيناسىن ساتىپ الۋ ءۇشىن كەلىسىم جاسادىق. جەلتوقساندا 20 ميلليون، قاڭتاردا 20 ميلليون جانە اقپاندا 10 ميلليون سالۋدى جوسپارلاپ وتىرمىز. سونداي- اق ءساۋىر ايىنا دەيىن Pfizer ەكپەسىن الماقپىز. سەبەبى، ساۋىردە جەرگىلىكتى ۆاكتسينامىز دايىن بولماق.

www.24.kz