قازاقستاندا 11 مىڭ شاقىرىم جول اقىلى بولادى
وسى ورايدا اقىلى جول پروتسەسى قالاي جۇزەگە اسىرىلادى جانە باعانىڭ قالاي بەكىتىلەتىندىگى تۋرالى «قازاۆتوجول» ۇلتتىق كومپانياسىنىڭ باسقارما ءتوراعاسى ۇلان ءالىپوۆ ايتىپ بەردى، دەپ حابارلايدى قازاقپارات ءتىلشىسى.
«اقىلى جولداردىڭ ءتاريفىن بەكىتەر الدىندا الدىمەن قوعامدىق تىڭداۋ وتەدى. ياعني كوپشىلىك جۇرتتىڭ پىكىرى مىندەتتى تۇردە ەسكەرىلەدى. قازىرگى ۋاقىتتا اقىلى جول باعاسى جەڭىل كولىك ءۇشىن 1 شاقىرىمى 1 تەڭگەنى قۇراسا، جۇك كولىكتەرى ءۇشىن 15 تەڭگە تۇرادى. بۇل تاريف 2013-جىلى قويىلعان سودان بەرى وزگەرگەن جوق. تاعى ءبىر ايتىپ كەتەرلىگى، بۇدان ءارى ءار جول ۋچاسكەسىنە جەكە باعا ورناتىلاتىن بولادى. 2024-جىلعا دەيىن ەلىمىزدە 11 مىڭ شاقىرىم جولدى اقىلى قىلامىز دەگەن جوسپارىمىز بار»، - دەدى ۇ. ءالىپوۆ.
ۇلتتىق كومپانيا باسشىسىنىڭ مالىمدەۋىنشە، اقىلى جولداردان تۇسكەن قارجى سول جولداردى قايتا جوندەۋگە جۇمسالادى.
«رەسپۋبليكا بويىنشا 24 مىڭ شاقىرىم جول بار بولسا، سونى كۇتىپ ۇستاۋعا نورماتيۆكە سايكەس بىزگە بيۋجەتتەن 54 ميلليارد تەڭگە قارجى بەرىلۋى كەرەك. بۇگىندە بەرىلگەنى 28 ميلليارد تەڭگە عانا، ال قالعانىن ءبىز اقىلى جولدىڭ ەسەبىنەن وندىرۋدەمىز. سەبەبى جولدان اقاۋ شىققان جاعدايدا دەرەۋ جوندەمەسە ونىڭ جۇمىسى كوبەيىپ كەتەدى، ال ول ءۇشىن قارجى كەرەك. ال جەتپەگەن جاعدايدا ۇكىمەتتەن قوسىمشا قاراجات سۇرايتىن بولامىز. ول ءۇشىن الدىمەن ساراپتاما جۇمىستارىن جۇرگىزەمىز»، - دەيدى ول.
ونىڭ ايتۋىنشا، اقىلى جولدى تۇتىنۋشى كولىكتىڭ سانى كوبەيگەن سايىن، باعانى وسىرمەي كەرىسىنشە ءتۇسىرۋ كەرەك.
«تاعى ءبىر جاڭالىعىمىز بولاشاقتا اقىلى جولداردى اۋتسورسين كومپانيالارعا بەرمەكپىز. قازىرگى كۇنى ەلىمىزدە 4 اقىلى جول ۋچاسكەسى بولسا، سونىڭ 3-ن اۋتسورسينگكە بەرەمىز. بارلىق پروتسەسس ونلاين تۇردە ءجۇرىپ جاتىر، ونىڭ العاشقى ناتيجەسى الداعى 5- قازاندا بەلگىلى بولادى. بۇل دەگەنىمىز اقىلى جولداردى جەكە مەنشىك كومپانيالار كۇتىپ ۇستايدى. ياعني بەلگىلى ءبىر جەر ۋچاسكەسىنە بەكىتىلگەن كومپانيا جولدىڭ ساپاسىنا جانە قاجەت بولعاندا جوندەۋ جۇمىستارىن جۇرگىزۋگە تولىقتاي جاۋاپتى بولادى»، - دەيدى كومپانيا باسشىسى.
ايتا كەتسەك، اتالعان كومپانيا «قاراعاندى - بالقاش» تاسجولىنىڭ قايتا جوندەۋ جۇمىستارىمەن تانىستىرۋ ماقساتىندا ب ا ق وكىلدەرىنە ارنالعان باسپا ءسوز تۋرىن ۇيىمداستىردى.