+7 (701) 759 90 19
3 °С : نۇر-سۇلتان
15 °С : الماتى
USD 428.05 EUR 501.2
RUB 5.47 CNY 63.87
جاڭالىقتار

ۇسىك، تۇمان، جاۋىن- شاشىن: ەلىمىزدىڭ 11 وڭىرىندە ەسكەرتۋ جاريالاندى

23 قىركۇيەك 12:01
:ءبولىسۋ
ۇسىك، تۇمان، جاۋىن- شاشىن: ەلىمىزدىڭ 11 وڭىرىندە ەسكەرتۋ جاريالاندى

نۇر-سۇلتان. قازاقپارات - «قازگيدرومەت» ر م ك مالىمەتىنشە، ەلىمىزدىڭ 11 وڭىرىندە كۇن بۇزىلادى. وسىعان بايلانىستى توتەنشە جاعدايلار مينيسترلىگى ەسكەرتۋ جاريالادى، دەپ حابارلايدى قازاقپارات.

23-قىركۇيەكتە نۇر-سۇلتان قالاسىندا جەل ەكپىنى - سەكۋندىنا 15-20 مەتر. اقمولا وبلىسىندا كەي جەرلەردە قاتتى جاڭبىر جاۋادى، تۇمان ءتۇسىپ، جەل كۇشەيەدى. جەل قارقىنى - سەكۋندىنا 15-20 مەتر، ءتىپتى 28 مەترگە دەيىن جەتەدى. بۇگىن اقتوبە وبلىسىندا جەلدىڭ كۇشى - سەكۋندىنا 15-20 مەتر، ەكپىنى - سەكۋندىنا 23 مەترگە دەيىن بولادى.

شىعىس قازاقستان وبلىسىندا كەي جەرلەردە جەل قارقىنى - سەكۋندىنا 15-20، كەي جەرلەردە 25 مەتر. 23-قىركۇيەكتە باتىس قازاقستان وبلىسىندا جەل جىلدامدىعى - سەكۋندىنا 15-20 مەتر، كەي جەرلەردە تۇمان تۇسەدى.

23-قىركۇيەكتە قاراعاندى وبلىسىندا كەي جەرلەردە تۇمان ءتۇسىپ، جەل ەكپىنى سەكۋندىنا 15-20 مەتر، ءتىپتى 25 مەترگە دەيىن جەتەدى. تۇندە كەي جەرلەردە جەردىڭ بەتىندە 1-3 گرادۋس ۇسىك جۇرەدى.

بۇگىن قوستاناي وبلىسىندا كەي جەرلەردە تۇمان تۇسەدى، نايزاعاي جارقىلداپ، داۋىل تۇرادى. بۇرشاق جاۋۋى مۇمكىن. جەلدىڭ كۇشى - سەكۋندىنا 15-20 مەتر، ەكپىنى - سەكۋندىنا 25 مەترگە دەيىن.

23-قىركۇيەكتە قىزىلوردا وبلىسىندا كۇشتى جەل سوعادى. قارقىنى - سەكۋندىنا 15-20 مەتر. ءورت قاۋپى وتە جوعارى. بۇگىن سونداي-اق ماڭعىستاۋ وبلىسىندا كەي جەرلەردە تۇمان تۇسەدى.

23-قىركۇيەكتە پاۆلودار وبلىسىندا كەي جەرلەردە نوسەر جاڭبىر جاۋادى. جەل جىلدامدىعى - سەكۋندىنا 15-20 مەتر، ەكپىنى - سەكۋندىنا 28 مەترگە دەيىن كۇشەيەدى. بۇگىن سولتۇستىك قازاقستان وبلىسىندا كەي جەرلەردە قاتتى جاڭبىر جاۋادى، كۇن كۇركىرەپ، داۋىل سوعادى. بۇرشاق جاۋادى، تۇمان تۇسەدى. جەل قارقىنى - سەكۋندىنا 15-20 مەتر، كەي جەرلەردە - سەكۋندىنا 28 مەتر بولادى.

توتەنشە جاعدايلار مينيسترلىگى ازاماتتاردى اۋا رايىنىڭ وزگەرىستەرىن باقىلاۋعا شاقىرادى. داۋىلدى ەسكەرتۋ تۋرالى حابارلامالاردى تىڭداپ، قاجەتتى ساقتىق شارالارىن ساقتاۋ ماڭىزدى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات