14:32, 04 - شىلدە 2020 | GMT +6
ارقالىقتا ەتانولدان ۋلانعان 11 ادام كوز جۇمدى
قوستاناي. قازاقپارات - ارقالىقتا بىرنەشە ادام ەتانولدان ۋلانىپ قالدى، دەپ حابارلايدى قازاقپارات.
«ارقالىق قالاسىندا ءبىر تاۋلىكتە ەتانولدان ۋلانىپ قالعان 11 ادامنىڭ ەكەۋىنىڭ ءولىم سەبەبى انىقتالدى. ناۋقاستاردىڭ العاشقى لەگى 3 - شىلدە كۇنى ساعات 5:20 كەزىندە اۋرۋحاناعا تۇسكەن. بۇگىن ۋلانعان 9 ادام كوز جۇمدى. قازىرگى ۋاقىتتا وسى فاكت بويىنشا پوليتسيا ق ر ق ك 306-بابىمەن (قاۋىپسىزدىك تالاپتارىنا سايكەس كەلمەيتىن تاۋارلاردى شىعارۋ نەمەسە ساتۋ، جۇمىستاردى اتقارۋ نەمەسە قىزمەت كورسەتۋ) سوتقا دەيىنگى تەرگەۋ امالدارىن باستادى. ارنايى ساراپتاما بەكىتىلدى. قاجەتتى تەرگەۋ شارالارى جۇرگىزىلۋدە»، دەلىنگەن پوليتسيانىڭ اقپاراتتىق حابارلاماسىندا.
ماماندار قىلمىستىق ءىستىڭ بارىسىن باقىلاۋعا الدى.
اۆتور: قاسقىرباي قويشىمانوۆ