پەتروپاۆلدا 11 جاسار بالا ساۋساعىنان ايىرىلا جازدادى

None
None
پەتروپاۆل. قازاقپارات - پەتروپاۆلدا 11 جاسار بالا ساۋساعىنا ويىنشىق پىشاقتىڭ شىعىرىن كيگىزىپ، سالدارىنان قۇتقارۋشىلاردىڭ كومەگىنە جۇگىنۋگە تۋرا كەلدى، دەپ حابارلايدى قازاقپارات ءتىلشىسى.

سولتۇستىك قازاقستان وبلىسى توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنشە، 28-ماۋسىم كۇنى ساعات 21.54 مينۋتتە جەدەل ارەكەت ەتۋ ورتالىعىنا كومەك سۇراعان اتا-انا حابارلاسقان.

ولاردىڭ ايتۋىنشا، 2009 -جىلى تۋعان بالالارى ويناپ وتىرىپ، وڭ قولىنىڭ ورتاڭعى ساۋساعىنا ويىنشىق پىشاقتىڭ شىعىرىن كيگىزگەن. ءبىراق كەيىن تەمىر دوڭگەلەكتى ءوز بەتىمەن شەشە الماعان. كومەكتەسپەك بولعان ەرەسەكتەردىڭ دە ارەكەتىنەن بىرنەشە ساعات بويى تۇك شىقپاعان. بالانىڭ ساۋساعى ىسە باستاعاسىن اتا-انا قۇتقارۋ قىزمەتىنىڭ «112» تەلەفون نومىرىنە حابارلاسىپ، ماماندارعا جۇگىندى. پەتروپاۆلداعى جۇمىسشى كەنتىنىڭ پۋگاچەۆ كوشەسىندەگى جەكە ۇيدە قۇتقارۋشىلاردى ابىرجىگەن اتا- انا قارسى الدى.

«ساۋساقتى تەمىر شىعىردان بوساتۋ وپەراتسياسى بىرنەشە مينۋتتى عانا العانىمەن، ونى وڭاي جۇمىس دەپ ايتۋعا كەلمەيدى. ساۋساق ءىسىپ كەتكەن ەكەن. جارالاپ الماۋ ءۇشىن دوڭگەلەك پەن ساۋساقتىڭ اراسىنا مەتالل تىلىمشە كىرگىزدىك. تەك سودان كەيىن عانا بۇرانكەسكىشپەن ابايلاپ شىعىردى كەسىپ الدىق»، - دەيدى قۇتقارۋ بولىمشەسىنىڭ جەتەكشىسى ۆيكتور دەرجانسكي.



اۆتور: اقەركە داۋرەنبەك قىزى


سوڭعى جاڭالىقتار