كوروناۆيرۋس: قازاقستاندا 11 ناۋقاستىڭ جاعدايى اۋىر

None
None
نۇر- سۇلتان. قازاقپارات - قازاقستاندا كوروناۆيرۋس ينفەكتسياسىن جۇقتىرعان 11 ناۋقاس اۋىر حالدە جاتىر، دەپ حابارلايدى قازاقپارات ءتىلشىسى.

بۇل تۋرالى ق ر دەنساۋلىق ساقتاۋ ءمينيسترى ەلجان ءبىرتانوۆ ورتالىق كوممۋنيكاتسيالار قىزمەتىندەگى بريفينگتە ايتىپ بەردى. ءمينيستردىڭ ايتۋىنشا، دۇنيە جۇزىندە كوروناۆيرۋس جاعدايى ناشارلاپ كەلە جاتىر. ناۋقاستار سانى 8,4 پايىزعا ءوستى، الەم بويىنشا بۇل ىندەتتەن 53 مىڭ ادام كوز جۇمعان.

«ەلىمىزدە كوروناۆيرۋس جۇقتىرۋ بويىنشا بارلىعى 453 جاعداي تىركەلگەن. ونىڭ ەڭ كوبى نۇر سۇلتان (199) جانە الماتى (93) قالالارىندا. 29 ادام ەمدەلىپ، اۋرۋحانادان شىعارىلدى. قازىر 11 ناۋقاستىڭ جاعدايى قيىن. ولار ينتەنسيۆتى رەانيماتسيا بولىمدەرىندە ەم قابىلداپ جاتىر. 68 پاتسيەنت - ورتاشا دەڭگەيدە، 341 پاتسيەنتتىڭ جاعدايى جەڭىل نەمەسە سيمپتومسىز ناۋقاستار»، - دەدى ە. ءبىرتانوۆ. وسى ناۋقاستارمەن بايلانىستا بولعان 13467 ادام انىقتالعان. ولاردىڭ اراسىندا 442 ازامات شەتەلگە شىعىپ كەتكەن.

«قالعان 13025 ازاماتتىڭ 96,7 پايىزى تابىلىپ، ستاتسيونارعا جانە ۇيگە وقشاۋلاندى. بۇل جۇمىستار جالعاسىپ جاتىر» ، - دەدى مينيستر.

سوڭعى جاڭالىقتار