+7 (701) 759 90 19
28 °С : نۇر-سۇلتان
31 °С : الماتى
USD 408.61 EUR 454.09
RUB 5.86 CNY 57.28
جاڭالىقتار

الماتىدا 11 جاستاعى بالا كوروناۆيرۋستان ەمدەلىپ جاتىر

30 ناۋرىز 16:23
:ءبولىسۋ
الماتىدا 11 جاستاعى بالا كوروناۆيرۋستان ەمدەلىپ جاتىر

الماتى. قازاقپارات - الماتىدا 11 جاستاعى بالادان كوروناۆيرۋس انىقتالدى، دەپ حابارلايدى قازاقپارات ءتىلشىسى.

«قازىرگى ۋاقىتتا الماتىدا كوروناۆيرۋس ينفەكسياسىن جۇقتىرۋدىڭ راستالعان 73 جاعدايى تىركەلدى، ونىڭ جەتەۋى جازىلعان. ناتيجەسىندە بۇگىنگى كۇنى قالالىق جۇقپالى اۋرۋلار ستاتسيونارلارىندا COVID-19 دان ەم الىپ جاتقان 66 پاتسيەنت بار» ، - دەدى الماتى قالاسى قوعامدىق دەنساۋلىق باسقارماسىنىڭ باسشىسى تىلەۋحان ابىلدايەۆ بريفينگ بارىسىندا. ونىڭ ايتۋىنشا، جاڭادان انىقتالعان التى ادامنىڭ تورتەۋى بايلانىستا بولعاندار، ءبىر پاتسيەنت 19 - ناۋرىزدا مينسك- الماتى رەيسىمەن جانە تاعى بىرەۋى وسى كۇنى ىستانبۇل- الماتى رەيسىمەن ۇشىپ كەلدى.

«ەمدەۋگە جاتقىزىلعانداردىڭ ىشىندە 11 جاستاعى بالا بار، قازىر ول قالالىق بالالار جۇقپالى اۋرۋلار اۋرۋحاناسىندا اكەسىمەن بىرگە جاتىر. قازىرگى كەزدە اۋىرىپ جاتقانداردىڭ جاعدايى جاقسىراپ كەلەدى، 58 ناۋقاستا - قاناعاتتانارلىق، 1 ەرەسەك ناۋقاستا - اۋىر، 6 ەرەسەك ادامدا ورتاشا اۋىرلىقتا جانە 1 بالادا ورتاشا اۋىرلىقتا»، - دەيدى تىلەۋحان ابىلدايەۆ. پروۆيزورلىق ورتالىقتاردا 1046 ادام بار، ونىڭ ىشىندە 102 ءسى - بالا. الماتىداعى پروۆيزورلىق ورتالىقتار كوبەيىپ، التاۋ بولدى. بۇعان دەيىن 4 ورتالىق بولعان ەدى. كارانتيندىك وقشاۋلاۋ ءۇشىن 3 شيپاجاي جانە ءبىر جاتاقحانا ءبولىندى. بۇگىنگى كۇنى 419 ازامات كارانتينگە وقشاۋلانعان. بۇل - شەتەلدەن كەلگەندەر. ولاردىڭ بارلىعى قاي ەلدەن كەلگەنىنە قاراماستان، ەكى كۇندىك كارانتينگە ورنالاستىرىلۋدا. كەلگەننەن كەيىن ولاردان COVID-19-عا تالداۋ الىنادى. ناتيجە تەرىس بولعان جاعدايدا ولار ۇيىنە جىبەرىلەدى.


باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات