يتاليادا كوروناۆيرۋستان كوز جۇمعاندار سانى 11 ادامعا جەتتى
پرەمەر- مينيستر دجۋزەپپە كونتە ەلدىڭ بۇل داعدارىسقا قاسقايا قارسى تۇرىپ، امان شىعاتىنىن ءمالىم ەتتى. سونىمەن قاتار ول كوروناۆيرۋستىڭ تارالۋىنا لودي ماڭىنداعى كودونو اۋرۋحاناسىنىڭ ەمدەۋگە قابىلەتسىزدىگى سەبەپ بولعانىن جەتكىزدى.
سەسەنبى كۇنى باسپا ءسوز ءماسليحاتى كەزىندە يتاليانىڭ ازاماتتىق قورعانىس قىزمەتىنىڭ باسشىسى اندجەلو بوررەللي كوروناۆيرۋستان 11 ادامنىڭ قايتىس بولعانىن حابارلادى.
ونىڭ ايتۋىنشا، سوڭعى بىرنەشە ساعاتتا ەلدىڭ 80 جاستاعى ءۇش ازاماتى قازا تاپقان.
سونىمەن قاتار، تريەۆيزودا رەسپيراتورلىق اۋرۋدىڭ اسقىنۋىنا بايلانىستى ەمحاناعا جاتقىزىلعان 76 جاستاعى ايەل كوروناۆيرۋس جۇقتىرىپ، ومىردەن وزدى.
بورەللي يتاليادا 322 جاڭا ۆيرۋس جۇقتىرۋ وقيعاسى تىركەلگەنىن ايتتى. سيتسيليادا ىندەت جۇقتىرعاندار ۇشەۋگە جەتتى.
ەڭ كوپ زارداپ شەككەن اۋدان - لومبارديا، ول ايماقتا ۆيرۋس 9 ادامنىڭ ءومىرىن قيىپ، 240 ادام دەرتكە شالدىقتى.
سەيسەنبى كۇنى ۇكىمەت العاشقى كوروناۆيرۋس جۇقتىرۋ وقيعاسى ليگۋريا اكىمشىلىك اۋدانىندا تىركەلگەنىن حابارلادى.
ريمدە سەيسەنبىدە بولعان باسپا ءسوز ءماسليحاتى كەزىندە دۇنيەجۇزىلىك دەنساۋلىق ساقتاۋ ۇيىمىنىڭ وكىلى ۋولتەر ريككاردي يتاليادا كوروناۆيرۋس جۇقتىرعانداردىڭ %3 ى عانا قايتىس بولعانىن مالىمدەدى.