الەۋمەتتىك جەلى ارقىلى 11 اقمولالىقتى سان سوقتىرعان شىعىس قازاقستاندىق ۇستالدى - اقمولا وبلىسى
ۆەدومستۆونىڭ مالىمەتىنشە، كۇدىكتى ارام ويىن تانىمال الەۋمەتتىك جەلىلەر ارقىلى جۇزەگە اسىرىپ كەلگەن.
«كۇدىكتى «و ل ح» الەۋمەتتىك جەلىسى ارقىلى كوكشەتاۋ قالاسىندا پاتەر جالعا بەرىلەتىنى تۋرالى جارناما جاريالاعان. جارناما بويىنشا قوڭىراۋ شالعان «كليەنتتەرىنە» پاتەر ىزدەگەن ادامنىڭ كوپتىگىن ايتىپ، الدىن الا جارنا تولەۋىن تالاپ ەتكەن. كليەنتتەرى الاياق ايەلگە 15000 جانە 45000 تەڭگە شاماسىندا اقشا اۋدارعان. كەيىن قولىنا اقشا تيگەن كۇدىكتى بايلانىسقا شىقپاي قويعان»، - دەيدى ۆەدومستۆودان.
ءبىر كۇننىڭ ىشىندە الاياقتىڭ قۇربانى بولعان ستەپنوگور جانە اقكول قالاسىنىڭ تۇرعىندارىنان 2 ارىز ءتۇستى.
«جەدەل- ىزدەستىرۋ شاراسى كەزىندە كۇدىكتى رەتىندە شىعىس قازاقستان وبلىسى ريددەر قالاسىنىڭ 37 جاستاعى تۇرعىنى ۇستالدى. كۇدىكتىنىڭ 11 ادامدى الداعانى انىقتالدى. قازىرگى كەزدە، كۇدىكتىنىڭ ۇستىنەن ق ر ق ك 190 بابى (الاياقتىق) بويىنشا سوتقا دەيىنگى تەرگەۋ امالدارى جۇرگىزىلۋدە»، - دەپ تولىقتىردى ۆەدومستۆودان.