+7 (701) 759 90 19
5 °С : نۇر-سۇلتان
7 °С : الماتى
USD 443.50 EUR 479.47
RUB 5.79 CNY 62.51
جاڭالىقتار

ماڭعىستاۋ وبلىسىندا 11 ادام جاندىكتەرگە قارسى پرەپاراتتاردان ۋلانعان

20 اقپان 08:14
:ءبولىسۋ
ماڭعىستاۋ وبلىسىندا 11 ادام جاندىكتەرگە قارسى پرەپاراتتاردان ۋلانعان

اقتاۋ. قازاقپارات - بيىل ءبىر جارىم ايدىڭ ىشىندە ماڭعىستاۋ وبلىسىندا 11 ادام جاندىكتەر مەن كەمىرگىشتەرگە قارسى پرەپاراتتاردان اجال قۇشا جازدادى، دەپ حابارلايدى قازاقپارات ءتىلشىسى.

اقتاۋ قالاسىنىڭ اكىمدىگى مەن سانيتاريا سالاسىنىڭ ماماندارى دۇكەندەرگە رەيد جاساپ، ءتۇسىندىرۋ شارالارىن جۇرگىزدى.

«تاراقان مەن قاندالادان شارشادىڭىز با؟» بازار سىرتىندا وسىنداي جارنالامالار جەتەرلىك. ال، دۇكەن سورەلەرىندەگى دارىلەردەن كوز سۇرىنەدى. قالتاڭىز كوتەرسە، قالاعانىن الۋعا بولادى. قورعانىش ماسكاسى مەن ارنايى كيىم بولسا بولعانى. ابايلاپ، مولشەرىمەن قولدانساڭىز، تۇك تە بولمايدى - ساتۋشىلاردىڭ تۇرعىندارعا ەسكەرتەرى وسى عانا. الايدا، مامانداردىڭ ايتۋىنشا، بۇعان ەشكىم كەپىلدىك بەرە المايدى. الدىمەن، ساتۋعا رۇقسات قاعازى بولۋى كەرەك. پرەپاراتتاردىڭ ءتۇرلى اسەرى بار. اسىرەسە، سوڭى ادام ولىمىنە اكەلىپ سوققان جاعدايلاردىڭ بىرىندە تۇرعىن ۇيلەرگە ارنالماعان ۋلى حيميكات پايدالانىلعانى انىقتالعان. سوندىقتان ارنايى مەكەمەلەرگە جۇگىنگەن ءجون. شارانىڭ ماقساتى دا وسى - ۋلانۋدىڭ الدىن الۋ.

«نەگىزگى مىندەت - دارىلەۋدىڭ ساپاسىز، دۇرىس قولدانىلماۋ سالدارىنىڭ الدىن الۋ، كاسىپكەرلەر مەن حالىققا ەسكەرتۋ. تەكسەرىپ، قارادىق. كەيبىر ۋلى زاتتاردىڭ سەرتيفيكاتتارى جوق. سەرتيفيكاتى بولسا دا، ونى قولدانۋ بويىنشا ءتۇسىندىرۋ شارالارىن جاسامايدى»، - دەيدى اقتاۋ قالاسى اكىمىنىڭ ورىنباسارى سەرىك گۋسمان.

قالادا 1 مىڭعا جۋىق تۇرعىن ءۇي بولسا، ولارعا 77 پاتەر يەلەرى كووپەراتيۆى قىزمەت كورسەتەدى. ءتارتىپ بويىنشا، ولار جىلىنا 2 رەت جەرتولەنى جاندىكتەرگە قارسى ۋلاۋى ءتيىس. «ال، پاتەر ءىشىن دەزينفەكتسيالاۋدى تۇرعىندار ءوز جاۋاپكەرشىلىگىنە الادى»، - دەيدى س. گۋسمان.

ايتا كەتەيىك، بىلتىر دەزينسەكسيا جانە دەراتيزاتسيا پرەپاراتتارىنان ۋلانۋدىڭ 13 وقيعاسى تىركەلىپ، 3 ادام كوز جۇمدى. ونىڭ ەكەۋى - بالا. جۋىردا تاعى ءبىر وتباسى اجال قۇشا جازدادى. ابىروي بولعاندا، دارىگەرلەر دەر كەزىندە كومەك كورسەتىپ، 3 ادامدى امان الىپ قالدى. ال جالپى، جىل باستالعالى وبلىستا 11 ادام ۋلانعان.

اۆتور: ءلايلىم ءالىم


باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات