ب ا ءا مەن قازاقستان 11 ميلليارد دوللاردىڭ ينۆەستيتسيالىق جوبالارىن جۇزەگە اسىرماق
«ءبىزدىڭ ىنتىماقتاستىعىمىز كوپ قىرلى قارىم-قاتىناس پەن ءارتۇرلى باعىتى جاعىنان ۇلگى بولا الادى. امىرلىكتەر - وسى ايماقتاعى باستى سەرىكتەسىمىز. 2019-جىلدىڭ قاڭتار-قاراشا ايلارى ارالىعىندا ءبىزدىڭ تاۋار اينالىمىمىز وتكەن جىلدىڭ سايكەس كەزەڭىمەن سالىستىرعاندا 10 پايىزعا ارتىپ، 500 ميلليون ا ق ش دوللارىن قۇرادى»، - دەدى قاسىم-جومارت توقايەۆ كەزدەسۋدىڭ اشىلۋىندا.
مەملەكەت باسشىسى وسىعان قاراماستان بۇل باعىتتاعى جۇمىستى ودان ارى قاراي جالعاستىرا بەرۋ كەرەكتىگىن اتاپ ءوتتى.
«اراب امىرلىكتەرىنەن قازاقستانعا تارتىلعان تىكەلەي ينۆەستيتسيا 2,1 ميلليارد دوللاردى قۇرادى. ال قازاقستاننان ب ا ا- گە سالىنعان ينۆەستيتسياسى 1 ميلليارد دوللارعا جەتتى. قازاقستاندا امىرلىكتەردىڭ 350 گە جۋىق زاڭدى تۇلعالارى، ۇيىمدارى، وكىلدىكتەرى تابىستى جۇمىس ىستەپ جاتىر. بىزدە قۇنى 11 ميلليارد دوللار بولاتىن بىرلەسكەن ينۆەستيتسيالىق جوبالاردى جۇزەگە اسىرۋ بويىنشا اۋقىمدى جوسپار بار»، - دەدى قازاقستان پرەزيدەنتى.
ەسكە سالا كەتسەك، بۇعان دەيىن مەملەكەت باسشىسى قاسىم-جومارت توقايەۆ بىرىككەن اراب امىرلىكتەرىنە رەسمي ساپارمەن كەلگەنى حابارلانعان بولاتىن.
ساپار اياسىندا بىرىككەن اراب امىرلىكتەرىنىڭ استاناسىنداعى «ءال-ۆاتان» سارايىندا قازاقستان پرەزيدەنتى قاسىم-جومارت توقايەۆ پەن ءابۋ-دابي حانزاداسى شەيح مۇحاممەد بەن زايد ءال ناحايان كەزدەستى.
ەرتەڭ، ياعني 28- قاڭتاردا دۋباي قالاسىندا قاسىم- جومارت توقايەۆ ءباا ۆيتسە- پرەزيدەنتىمەن، پرەمەر- مينيسترىمەن، دۋباي امىرشىسىمەن، شەيح مۇحاممەد بەن راشيد ءال ماكتۋممەن كەزدەسىپ، دۋباي حالىقارالىق قارجى ورتالىعىنا (DIFC) بارادى. سونداي-اق، پرەزيدەنت بىرىككەن اراب امىرلىكتەرىندەگى كومپانيالاردىڭ باسشىلارىمەن كەزدەسەدى.
بۇگىنگى كەزدەسۋگە اراب تاراپىنان 80 گە تارتا بيزنەسمەن قاتىستى.