+7 (701) 759 90 19
0 °С : نۇر-سۇلتان
0 °С : الماتى
USD 430.51 EUR 505.72
RUB 5.51 CNY 64.14
جاڭالىقتار

ەلوردادا 11 اۋە رەيسى توقتاتىلدى

23 قاڭتار 15:33
:ءبولىسۋ
ەلوردادا 11 اۋە رەيسى توقتاتىلدى

نۇر- سۇلتان. قازاقپارات - نۇرسۇلتان نازاربايەۆ حالىقارالىق اۋەجايىندا اۋا رايىنىڭ قولايسىزدىعىنا بايلانىستى قازىرگى ۋاقىتتا 38 اۆيارەيس كەشىكتىرىلىپ، 11 رەيس توقتاتىلدى، دەپ حابارلايدى قازاقپارات.

اۋەجاي باسپا ءسوز قىزمەتىنىڭ مالىمەتىنشە، اۋە كەمەسىنىڭ باسقا قالالاردان كەش كەلۋى جانە باراتىن اۋەجايداعى ناشار مەتەوجاعدايلار سەبەبىنەن ۇشىپ كەلۋى ءتيىس 22 رەيس كەشىگىپ جاتىر. ولار:

«Air Astana» اۋە كومپانياسىنىڭ 9 رەيسى (ونىڭ ىشىندە ومبى، تاشكەنت، ماسكەۋ جانە كيەۆ قالالارىنان حالىقارالىق رەيستەرى) ؛ «SCAT « اۋە كومپانياسىنىڭ 8 رەيسى (ۇلان- باتىر، ماسكەۋ، پراگا) ؛ «Qazaq Air « اۋە اكومپانياسىنىڭ الماتى جانە قوستاناي قالالارىنان 2 رەيسى؛ «Fly Arystan « اۋە كومپانياسىنىڭ پاۆلودار، الماتى جانە قوستاناي قالالارىنان 3 رەيسى.

اۋە كەمەسىنىڭ باسقا قالالاردان كەش كەلۋى جانە ۇشىپ شىعاتىن اۋەجايداعى اۋا رايىنىڭ ناشارلاۋى سەبەبىنەن ۇشىپ شىعۋى ءتيىس 16 رەيس كەشىگۋدە (جەلدىڭ ەكپىنى سەكۋندىنا 20 مەترگە جەتەدى).

ولار: «Air Astana» اۋە كومپانياسىنىڭ 6 رەيسى (ونىڭ ىشىندە تاشكەنت جانە كيەۆ قالالارىنا حالىقارالىق رەيستەر) ؛ «SCAT « اۋە كومپانياسىنىڭ 8 رەيسى (ونىڭ ىشىندە پراگا جانە ماسكەۋ قالالارىنا حالىقارالىق رەيستەر) ؛ «Qazaq Air « جانە «Fly Arystan « اۋە كومپانيالارىنىڭ 4 رەيسى.

«Lufthansa» اۋە كومپانياسى فرانكفۋرت قالاسىنا، «LOT Polish» اۋە كومپانياسى ۆارشاۆاعا، «Turkish Airlines» اۋە كومپانياسى ىستانبۇلعا ۇشاتىن رەيستەرى جانە «Qazaq Air «، «Air Astana» ، «SCAT « اۋە كومپانيالارىنىڭ 11 رەيسى توقتاتىلدى.

«جەلدىڭ قاتتى ەكپىنى ۇشۋ قاۋىپسىزدىگى ماقساتىندا اۋە كەمەلەرىن مۇزدانۋعا قارسى سۇيىقتىقپەن وڭدەۋگە جول بەرمەي تۇر. نۇرسۇلتان نازاربايەۆ حالىقارالىق اۋەجايى شتاتتىق رەجيمدە جۇمىس ىستەيدى»، - دەپ اتاپ وتەدى اۋەجايدان.

بۇعان دەيىن قولايسىز مەتەوجاعدايعا بايلانىستى نۇرسۇلتان نازاربايەۆ اتىنداعى حالىقارالىق اۋەجايدا 32 اۋە رەيسى كەشىكتىرىلىپ جاتقانىن حابارلاعان ەدىك.

اۆتور: مارلان جيەمباي


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات