14:15, 17 - قاڭتار 2020 | GMT +6
يراكتاعى ا ق ش اسكەري بازاسىنا جاسالعان شابۋىلدان 11 ادام جاراقات الدى
نۇر-سۇلتان. قازاقپارات - يراننىڭ يراكتاعى امەريكالىق اسكەري بازاعا جاساعان شابۋىلىنان ا ق ش- تىڭ 11 اسكەري قىزمەتكەرى جاراقات العان، دەپ حابارلايدى قازاقپارات CNN- گە سىلتەمە جاساپ.
«جاراقات العاندار وسى اپتادا كۋۆەيتتەگى جانە گەرمانيانىڭ لاندشتۋلىنداعى اۋرۋحانالارعا جەتكىزىلدى. ولار سول جەردە ەم الادى» دەپ جازادى اگەنتتىك.
9- قاڭتار كۇنى يران گەنەرالى امير-الي حادجيزادە امەريكالىق بازالارعا جاسالعان شابۋىلدان جاراقات العاندار جوق ەكەنىن ايتقان بولاتىن. تەگەران امەريكالىق اسكەريلەردى ءولتىرۋدى ماقسات ەتپەگەنىن مالىمدەگەن ەدى.
ەستەرىڭىزگە سالا كەتسەك، يران ا ق ش- تىڭ گەنەرال كاسەم سۋلەيمانيدى ولتىرگەنىنە جاۋاپ رەتىندە 8- قاڭتار كۇنى امەريكانىڭ اسكەري بازاسىنا شابۋىل جاساعان بولاتىن.