قازاقپارات كۇنتىزبەسى: 11- جەلتوقسان

None
None
نۇر-سۇلتان. قازاقپارات - قازاقپارات وقىرماندارىنا 2019-جىلعى 11- جەلتوقسانعا ارنالعان كۇنتىزبەسىن ۇسىنادى.

اتاۋلى كۇندەر

حالىقارالىق تاۋلار كۇنى

2004-جىلدان بەرى ب ۇ ۇ شەشىمى بويىنشا «بەيبىتشىلىك - تاۋلاردىڭ تۇراقتى دامۋىنا كىلت» اتتى ۇرانمەن وتكىزىلەدى. تاۋلار جەر شارىنىڭ شامامەن تورتتەن ءبىرىن الىپ جاتىر، وندا الەم حالقىنىڭ 10 پايىزعا جۋىعى مەكەندەيدى.

بۇل - وسىمدىكتەر مەن جانۋارلاردىڭ سيرەك كەزدەسەتىن كوپتەگەن تۇرلەرى ءۇشىن قورىق، جەردەگى نەگىزگى وزەندەردىڭ قاينار كوزى. دەمىكپەنىڭ دۇنيەجۇزىلىك كۇنى قولقا دەمىكپەسى اۋرۋىنا نازار اۋدارتۋ ماقساتىندا دۇنيەجۇزىلىك دەنساۋلىق ساقتاۋ ۇيىمىنىڭ باستاماسىمەن اتاپ وتىلەدى.

بۇل كۇننىڭ نەگىزگى ماقساتى - دەنساۋلىق سالاسىنداعى كۇردەلى پروبلەمالاردىڭ ءبىرى بولىپ سانالاتىن دەمىكپە دەرتىنىڭ سەبەپ-سالدارلارىمەن حالىقتى جان-جاقتى تانىستىرۋ. ونى جەڭۋ جولىندا عىلىم سالاسىندا جاسالعان جاڭالىقتار تۋرالى حابارلاۋ.

بۇگىندە الەمدە 300 ميلليون ادام دەمىكپەمەن اۋىرادى. ول كوبىنە ناشار ەكولوگيانىڭ سالدارىنان پايدا بولادى.

ەستە قالار وقيعالار

1990-جىلى س س ر و پرەزيدەنتى م. گورباچيەۆتىڭ باۋىرجان مومىش ۇلىنا سوۆەت وداعىنىڭ باتىرى اتاعىن بەرۋ تۋرالى № VII-1156 جارلىعى شىقتى.

2005-جىلى استانادا قازاقستاننىڭ ۇلتتىق بانكى كۇمىس مونەتالاردىڭ ءۇش كوللەكتسياسىن ساتۋعا شىعاردى. بۇل - نومينالدىق قۇنى 500 تەڭگە بولاتىن 3 مىڭ دانا «جايران»، 3 مىڭ دانا «جوشى حاننىڭ كەسەنەسى» جانە 5 مىڭ دانا «جولبارىستىڭ باسى» مونەتالارى.

مونەتالار ارنايى قوراپقا سالىنىپ، ولاردىڭ ساپاسى سەرتيفيكاتپەن راستالعان.

2012-جىلى استانادا «ورتالىق ازيا جانە اۋعانستان كاسىپكەر ايەلدەرىنىڭ بيزنەس- قاۋىمداستىعى» قۇرىلدى. قاۋىمداستىق قۇرۋدىڭ نەگىزگى ماقساتى - ورتالىق ازيا مەن اۋعانستان كاسىپكەر ايەلدەرى اراسىندا مەملەكەتارالىق ەكونوميكالىق ىنتىماقتاستىقتى جولعا قويۋ.

2012-جىلى مولدوۆا رەسپۋبليكاسى گاگاۋزيا اۆتونومدىق-اۋماقتىق قۇرىلىمىنداعى كومرات مۋنيتسيپياسىندا قازاقستان پرەزيدەنتى نۇرسۇلتان نازاربايەۆتىڭ قولا ءمۇسىنى ورناتىلدى. ونى تانىمال ماسكەۋلىك ءمۇسىنشى كونستانتين كونستانتينوۆ جاساعان.

2014-جىلى ق ر تۇڭعىش پرەزيدەنتى - ەلباسى اتىنداعى ۇلتتىق قورعانىس ۋنيۆەرسيتەتىندە اسكەري تاريحشىلاردى دايىنداۋ بويىنشا مامانداندىرىلعان اسكەري كافەدراسى اشىلدى.

2015-جىلى «قازپوشتا» ا ق قازاقستاندىق عارىشكەر ايدىن ايىمبەتوۆتىڭ حالىقارالىق عارىش ستانتسياسىنا ۇشۋ ساپارىنا ارنالعان ماركانى اينالىمعا ەنگىزدى. بەس مىڭ تارالىممەن اينالىمعا ەنگەن ماركانىڭ قۇنى - 300 تەڭگە.

2018-جىلى مارراكەشتە ارنايى ۇكىمەتارالىق كونفەرەنتسيادا قازاقستان قاۋىپسىز، رەتتەلگەن جانە زاڭدى ميگراتسيا جونىندەگى جاھاندىق كەلىسىمشارتتى ماقۇلداعان ەلدەر قاتارىنا كىردى.

كونفەرەنتسياعا الەمنىڭ 150 دەن استام ەلىنەن دەلەگاتتار قاتىستى.

2018-جىلى قازاقستاندا ت م د- داعى ەڭ ۇلكەن كۇن ەلەكتر ستانتسياسى ىسكە قوسىلدى. جامبىل وبلىسىندا قۋاتتىلىعى 100 مۆت «بۋرنوە سەس» جوباسى – ت م د- داعى ءىرى كۇن ەلەكتر ستانتسياسى ەۋروپالىق قايتا قۇرۋ جانە دامۋ بانكىنىڭ قولداۋى ارقاسىندا اشىلدى.

2018-جىلى ءۇندىستاننىڭ گۋدجارات شتاتىنداعى گانديناگارس قالاسىندا قازاقستان رەسپۋبليكاسىنىڭ قۇرمەتتى كونسۋلدىعى اشىلدى. وعان بەلگىلى بيزنەسمەن، «ChandanSteelLimited» كومپانياسىنىڭ باسقارۋشى ديرەكتورى ديليپ چاندان جەتەكشىلىك ەتەدى.

قۇرمەتتى مەيمان، گۋدجارات شتاتىنىڭ باس ءمينيسترى ۆيدجاي رۋپاني ساحەب قۇرمەتتى كونسۋلدىقتىڭ اشىلۋى ەكى جاقتى ەكونوميكالىق بايلانىستى نىعايتۋعا ىقپال ەتەتىندىگىنە جانە ينۆەستيتسيالىق تاسقىندى ۇلعايتاتىندىعىنا سەنىمدى ەكەندىگىن جەتكىزدى.

سوڭعى جاڭالىقتار