+7 (701) 759 90 19 Лента
18 °С : Нур-Султан
22 °С : الماتى
USD 384.39 EUR 431.71
RUB 6.11 CNY 55.88
جاڭالىقتار

ارىستاعى اپات: جولدا قالعان 11 مىڭ جولاۋشى بالاما باعىتتارمەن تاسىمالداندى

26 ماۋسىم 14:25 217
:ءبولىسۋ
ارىستاعى اپات: جولدا قالعان 11 مىڭ جولاۋشى بالاما باعىتتارمەن تاسىمالداندى

نۇر-سۇلتان. قازاقپارات - «قازاقستان تەمىر جولى» ۇلتتىق كومپانياسى ارىستاعى جارىلىستان كەيىن تۇركىستان وبلىسىندا تەمىرجول قاتىناسى قالاي ۇيىمداستىرىلىپ جاتقانىن ايتتى، دەپ حابارلايدى قازاقپارات ءتىلشىسى.

تەمىرجول كومپانياسىنا قاراستى «جولاۋشىلار تاسىمالى» ا ق باسپا ءسوز حاتشىسى دياس احمەتشارىپتىڭ ايتۋىنشا، 2 كۇننىڭ ىشىندە تۇركىستان وبلىسىنىڭ اۋماعىندا جولدان قالعان 11 مىڭ جولاۋشى بالاما باعىتتار مەن اۆتوكولىك ارقىلى تاسىمالدانعان.

جولدان قالعان جولاۋشىلارعا قولايلى جاعداي تۋعىزۋعا تۇركىستان وبلىسىمەن قاتار كورشىلەس جامبىل وبلىسىنىڭ اتقارۋشى ورگاندارى دا كومەكتەسۋدە.

«ارىستاعى توتەنشە جاعدايعا بايلانىستى شىمكەنت- ارىس- تۇركىستان باعىتى بويىنشا بارلىق پويىزدار توقتاتىلعانىن بىلەسىزدەر. وسىعان بايلانىستى 13 جولاۋشى پويىزى «جەزقازعان- جارىق» ۇزىگى ارقىلى وتكەن. بۇگىننەن باستاپ جاڭا باعىت ءتۇزىلدى. 10 جولاۋشى پويىزى «جەسقازعان- سەكسەۋىل» باعىتى ارقىلى كەتىپ جاتىر. سونىمەن قاتار شىمكەنت- تۇركىستان قالالارىنىڭ اراسىنا اۆتوكولىكتەر تاسىمالداپ قاتىناپ تۇر. بۇل ىستە تۇركىستان، جامبىل وبلىسى مەن شىمكەنت قالاسىنىڭ اكىمدىگى بىرلەسىپ كومەكتەسۋدە. ەكى كۇندە 11 مىڭ جولاۋشى تاسىمالداندى. ونىڭ ەكى مىڭى اۆتوكولىك ارقىلى جايلى ورىنعا جەتكىزىلدى»، - دەگەن دياس احمەتشارىپ بالاما باعىتتارمەن جولدى جالعاستىرۋعا 11 مىڭ جولاۋشىنىڭ جارتىسىنان استامى كەلىسكەنىن ايتادى.

«جولاۋشىلار تاسىمالى» ا ق-نىڭ سەرۆيس جانە كليەنتتەرمەن جۇمىس دەپارتەمەنتىنىڭ ديرەكتورى الىبەك سۇلتانوۆ جولدى جالعاستىرۋدان باس تارتقانداردىڭ بارلىعىنا بيلەت قۇنى 100 پايىز قايتارىلىپ جاتقانىن ايتادى.

«باس تارتقان جاعدايدا بيلەت قۇنىنىڭ 100 پايىزىن وتەپ بەرەمىز. بۇل جاعىنان ەشقانداي ماسەلە جوق. توتەنشە جاعداي كەسىرىنەن جوسپارى بۇزىلىپ، جولدان قالعانى ءۇشىن رەنىش بىلدىرگەندەر دە بار. ءبىراق ولاردىڭ سانى ساۋساقپەن سانارلىق»، - دەيدى ۇلتتىق كومپانيا وكىلى.

ەسكە سالساق، بۇعان دەيىن ارىستاعى جارىلىستان ءۇشىنشى ادامنىڭ قايتىس بولعانى حابارلانعان بولاتىن.

بۇگىن پارلامەنت دەپۋتاتتارى ارىس تۇرعىندارىمەن كەزدەسۋ ءۇشىن تۇركىستان وبلىسىنا اتتاندى.

توتەنشە جاعدايدىڭ قاۋپى ءالى سەيىلمەگەندىكتەن، تۇرعىندارعا قالاعا ورالۋعا بولمايتىندىعى ەسكەرتىلگەن.  


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات