+7 (701) 759 90 19 Лента
21 °С : Нур-Султан
21 °С : الماتى
USD 384.87 EUR 432.52
RUB 6.11 CNY 55.95
جاڭالىقتار

مەيىرىمدى بالا تاربيەلەۋدىڭ 11 جولى

25 ماۋسىم 18:31 257
:ءبولىسۋ
مەيىرىمدى بالا تاربيەلەۋدىڭ 11 جولى

 نۇر-سۇلتان. قازاقپارات - قازىرگى زاماندا ادامدار «الدىعا ماقسات قويىپ، سوعان تاباندىلىقپەن جەتە ءبىلۋ كەرەك» دەگەن قاعيدانى مىقتاپ ۇستانعانى راس.

ءتىپتى، كوپتەگەن اتا-انالار بالانىڭ ەسى كىرەر- كىرمەس شاعىندا وسىنداي قاسيەتتەردى ونىڭ بويىندا قالىپتاستىرۋدى كوزدەيدى. ول، ارينە، دۇرىس! دەگەنمەن، پسيحولوگتاردىڭ ايتۋىنشا، بالا تاربيەسىندەگى قاتالدىق، ونىڭ جەكە امبيتسياعا نەگىزدەلۋى - ماتەريالدىق جەتىستىككە جەتەلەگەنىمەن، ورنىمەن جۇمسالماسا، ادامدى باقىتسىز ەتەدى.

بالا مەيىرىمدى بولسا، ونىڭ باقىتتى بولارى دا انىق

تابىستى بولىپ وسكەننىڭ نەسى جامان دەيسىز بە؟ جوق، ول جاقسى. ءبىراق تاربيەلەۋ ءادىسىڭىز بالانىڭ جۇيكەسىنە اسەر ەتىپ، ونىڭ مەنمەندىككە سالىنىپ، اينالاسىنا سەنىمسىزدىكپەن قاراۋىنا اكەلىپ سوعۋى مۇمكىن. سوندىقتان بالانىڭ بويىندا قايسارلىقپەن قاتار وزگەنىڭ جانە ءوزىنىڭ ەموتسياسىن قاداعالاپ، جان- دۇنيەسىن تۇسىنە ءبىلۋ قابىلەتىن دامىتۋ ماڭىزدى. ال، «مۇنى قالاي جاساۋعا بولادى؟» دەگەن سۇراققا ءبىلىم بەرۋ سالاسىنداعى ساراپشىلاردىڭ پىكىرى مىناداي:

بالاڭىزعا ۇلگى بولا ءبىلىڭىز

بالانىڭ الدىندا ايتىلاتىن ءاربىر سوزگە مۇقيات بولىڭىز. ولار ءبارىن دە ەستيدى. ەگەر ءسىز كورشىڭىزدىڭ بەتىنە كۇلىپ قاراپ، كوزىن الا بەرە ونى بالاعاتتاساڭىز، بالالارىڭىز جاساندىلىقتى بايقايدى. سوندىقتان، ادال ءارى تۇراقتى بولىڭىز.

سىزدىكى دۇرىس بولماعان جاعدايدا بالادان كەشىرىم سۇراڭىز

ەگەر بالالارعا ادىلەتسىزدىك كورسەتكەن بولساڭىز، ءوز قاتەڭىزدى مويىنداڭىز. بۇل قادام - اراداعى سەنىمدىلىكتى نىعايتىپ، بالانىڭ ءوز كۇشىنە دەگەن سەنىمىن ارتتىرادى. «قاتەلىك جىبەرۋ - اسا قورقىنىشتى ەمەس، ەڭ قورقىنىشتىسى - ادامدىق قاسيەتتەن ايىرىلۋ».

بالالارعا مەيىرىمدى بولىڭىز

ولاردىڭ جاساعان ارەكەتىنە دەگەن كوزقاراسىڭىز بەن بالانىڭ وزىنە دەگەن ماحابباتتىڭ ارا جىگىن اجىراتا ءبىلىڭىز. جاي سوزبەن ايتقاندا: «مەن سەنى جاقسى كورەمىن، ءبىراق مىنا جاساعانىڭ ماعان ۇنامايدى» دەپ ايتىڭىز.

ءوز-ءوزىڭىزدى كۇتە ءبىلىڭىز

ەگەر ءسىز سالاق، ۇقىپسىز بولساڭىز، قالاي بولسا سولاي كيىنىپ جۇرسەڭىز، بالاڭىز سول قاسيەتتى وزىنە الماي قويمايدى. تازا بولساڭىز، بالاڭىز دا سىزدەي بولىپ وسەرى انىق.

بالالارعا ارنايى ۋاقىت ءبولىڭىز

كومپيۋتەردەن بوساپ، پلانشەتتى ءوشىرىڭىز دە، كۇنىنە تۇتاس ءبىر ساعات ۋاقىتىڭىزدى بالالارعا ارناڭىز.

بالاڭىزبەن بىرگە ەرىكتىلەر قاتارىنا قوسىلىڭىز

بالاڭىزدى وزىڭىزبەن بىرگە ەرتىپ، كومەككە ءزارۋ ادامدارعا قول ۇشىن سوزىپ، مۇقتاج جانداردىڭ كوڭىل- كۇيلەرىن كوتەرۋگە ات سالىسىڭىز. بالاعا ءوزىن قوعامعا كەرەك ەكەنىن ءتۇسىنىپ، سەزىنۋىنە مۇمكىندىك بەرىڭىز. سونداي-اق، جاعاجايلار مەن ساياباقتاردى تازالاۋعا ارنالعان جيىندارعا قاتىستىرۋ دا جاقسى شەشىم.

وي-ءورىسىن دامىتىڭىز

ارالاسىپ جۇرگەن دوس- جاراندارىڭىزدان باسقا ادامداردى قوناققا شاقىرىڭىز. بالانى الەمى بولەك ورتاعا ەرتىپ بارىڭىز. بالالارى قابىلەتتى، كوپبالالى، ۇلكەن وتباسىعا نەمەسە ۇلتى، ءدىنى باسقا ادامداردىڭ ورتاسىنا جانە ت. ب.

وزگەنىڭ جان-دۇنيەسىن ۇعۋ جايىن ءتۇسىندىرىڭىز

بالاڭىزعا مەيىرىمدى بولۋ، ادامدارعا تۇسىنىستىكپەن قاراۋ جايلى اڭگىمەلەپ بەرىڭىز. وعان مەكتەپتە، باسقا جەردە ورىن الاتىن كەلەڭسىز جاعدايلاردىڭ مەيىرىمدى بولىپ قالۋعا ەش اسەرىن تيگىزبەيتىندىگىن جەتكىزىڭىز. بالامەن اشىق، ەركىن تۇردە سويلەسىڭىز.

ءوزىن دۇرىس ۇستاۋدى ۇيرەتىڭىز

بالاعا ۇيالعاندا، قورىققاندا نەمەسە باسقا دا ىشكى ەموتسيا كەزىندە ءوزىن دۇرىس ۇستاۋىنا كومەكتەسىڭىز. ياعني، داۋىسىن، ايتاتىن ءسوزىن، بەت-الپەتىن، قيمىل- ارەكەتىن قاداعالاپ وتىرسىن. بالالار وسىنداي جاعدايلاردا كوپ قيىندىققا تاپ بولادى. ءبىر ساتتىك ءىس-قيمىلدان نەمەسە ايتىلعان سوزدەن ءوزىن ۇنەمى ىڭعايسىز سەزىنىپ، «تاعى ءبىر نارسە بۇلدىرەمىن بە؟» دەگەن ۇرەيدىڭ جەتەگىندە ءجۇرۋى مۇمكىن.

ءوز سەزىمىن تۇسىنۋىنە كومەكتەسىڭىز

بالاڭىزدىڭ باسىنان قانداي سەزىمدەردى وتكەرگەندىگىن سۇراپ كوردىڭىز بە؟ ەش ۇرىس- كەرىسسىز، دوستىق كوڭىلمەن اشۋلانعانىن، رەنجىگەنىن، قىزعانعانىن، كوڭىلى قالعان ءساتىن سۇراپ كورىڭىزشى. بالا ءوز باسىنان وتكىزگەن ەموتسيالارىن قانشالىقتى اجىراتا بىلسە، سوعۇرلىم ول ءار ءتۇرلى جاعدايدا تۋىندايتىن ەموتسيالاردى دۇرىس باسقارۋدى بىلەتىن بولادى.

ءۇي جانۋارلارىن اسىراڭىز

ءۇي جانۋارىنا بارلىق بالا قىزىعادى. ءبىراق ونى الىپ بەرمەس بۇرىن بالاعا باسقا ءبىر ءتىرى جاننىڭ ءومىرى مەن دەنساۋلىعىنا وتباسىڭىزبەن بىرگە جاۋاپتى ەكەندىكتەرىڭىزدى ءتۇسىندىرىڭىز. سونىمەن بىرگە ول ەرىكتى تۇردە سول جاۋاپكەرىشىلىكتى سىزبەن بىرگە ءبولىسسىن.

 

دەرەككوزى: syrlasu.kz


باستى سوزدەر: ءبىلىم جانە عىلىم, قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
Кожакелдиев Е.
Кожакелдиев Е.
954-049
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات