كارىز قۇدىعىنا قۇلاپ تۇسكەن ءسابيدى قۇتقارىپ قالعان 11 جاسار بالا ماراپاتتالدى
بەكنازار مەيرامبەك مۇسا ۇلى 2 -ءساۋىر كۇنى كەشكى ساعات 19.40 شاماسىندا ا. قالىبەكوۆ كوشەسىندەگى كارىز قۇدىعىنا قۇلاعان 2 جاسار بالانى قۇتقارىپ قالعان. وسى ەرلىگى ءۇشىن تۇركىستان وبلىسى ت ج د باستىعى نۇرعالي ءجۇنىسوۆ ق ر ءى ءى م توتەنشە جاعدايلار كوميتەتىنىڭ ءتوراعاسى، گەنەرال-مايور ۆ. بەككەردىڭ العىس حاتىن سوڭعى قوڭىراۋ جيىنىندا سالتاناتتى تۇردە تابىستادى.
جيىن بارىسىندا نۇرعالي ءجۇنىسوۆ اتا-اناسىنا، مەكتەپ ديرەكتورى مەن سىنىپ جەتەكشىسىنە باتىر بالا تاربيەلەگەندەرى ءۇشىن ءوز اتىنان العىس ءبىلدىرىپ، م. بەكنازاردى باعالى سىيلىقپەن ماراپاتتادى.
جاس باتىر 2008 -جىلى جەتىساي قالاسىندا دۇنيەگە كەلگەن. وتباسىندا 7 بالا بار، اتا-اناسىنىڭ ەكىنشى پەرزەنتى. №2 -شوحان ءۋاليحانوۆ اتىنداعى مەكتەبىنىڭ 5 ا سىنىپ وقۋشىسى.
مەيرامبەك وقيعا بولعان كۇنى كىشكەنتاي ءبۇلدىرشىننىڭ كارىز قۇدىعىنا قۇلاپ تۇسكەنىن بايقاپ قالعان. مۇنى كورە سالىسىمەن وزىمەن بىرگە ويناپ جۇرگەن بالالارمەن بىرگە دەرەۋ جۇگىرىپ كەلگەن. بالالار سەپتيككە قاراسا قۇدىقتىڭ ءىشى 1 مەتردەن اسا لاس سۋ، ال كىشكەنتاي ءبۇلدىرشىن كورىنبەگەن. وسى مەزەتتە مەيرامبەك ەش ويلانباستان، دەرەۋ قۇدىقتىڭ ىشىنە تۇسەدى.
لاس سۋ مويىن تۇسىنا كەلگەنىنە قاراماستان سۋعا باسىن تىعىپ، كىشكەنتاي ءبۇلدىرشىندى قولىمەن ىزدەپ تاۋىپ، سۋعا تۇنشىعىپ جاتقان 2 جاسار ءبۇلدىرشىندى كوتەرىپ الىپ، سەپتيكتەن شىعارعان. وسىلايشا 11 جاسار مەيرامبەك جاس ءبۇلدىرشىننىڭ ءومىرىن ساقتاپ قالعان.
