قازاق ۇلتتىق سپورت چەمپيوناتىندا قىتاي، مونعوليا، مالايزيا سەكىلدى 11 مەملەكەتتىڭ سپورتشىلارى باق سىنايدى

None
None
نۇر- سۇلتان. قازاقپارات - الماتىدا ۇلتتىق سپورتتان جاستار اراسىنداعى  1 - ازيا چەمپيوناتىنىڭ العاشقى جەرەبەسى تارتىلدى، دەپ حابارلايدى قازاقپارات ءتىلشىسى.

ق ر ۇلتتىق سپورت قاۋىمدىستىعىنىڭ باسپا ءسوز قىزمەتى ءمالىم ەتكەندەي، الماتىدا جارىس الدىنداعى ماندات كوميسسياسى وتىرىسىنىڭ شەشىمىمەن العاشقى رەتتە كوكپار كوماندالارى اراسىنداعى كەزدەسۋلەر بويىنشا جەرەبە تارتىلىپ، قارسىلاس كوماندالار انىقتالدى.

ق ر ۇلتتىق سپورت قاۋىمداستىعىنىڭ اتقارۋشى ديرەكتورى راحات جاقسىباي، 1- ازيا چەمپيوناتىنىڭ باس تورەشىسى، ق ر ۇلتتىق قۇراما كوماندالار جاتتىقتىرۋشىسى قۋانىشبەك قۇرامايەۆ، قاۋىمداستىقتىڭ باس حاتشىسى نۇرسۇلتان يبراگيموۆ ماندات كوميسسياسى وتىرىسىندا قاتىسۋشى كوماندالارعا جالپى ويىن ەرەجەلەرى تۋرالى، چەمپيونات بارىسىندا كوماندا جەتەكشىلەرى مەن سپورتشىلاردىڭ ەسكەرۋى ءتيىس ماسەلەلەردى ايتىپ ءوتتى.

Көкпардан І Азия чемпионатының жеребесі тартылды

جاستار اراسىنداعى چەمپيوناتتا حالىقارالىق ەرەجەگە سايكەس سەركە- مۋلياجدىڭ سالماعى 25 كەلى مەن 30 كەلى ارالىعىندا بولادى.

تۇڭعىش چەمپيوناتتا كوكپار سپورتى بويىنشا 7 كوماندا باق سىنايدى. اتاپ ايتقاندا، قازاقستان، قىتاي، رەسەي، وزبەكستان، تاجىكستان، مونعوليا جانە اۋعانستان سپورتشىلارى 1- ازيا چەمپيوناتىنىڭ جۇلدەلەرىن ساراپقا سالادى.

Көкпардан І Азия чемпионатының жеребесі тартылды

كوماندالار ا جانە ب توبىنا ءبولىندى. جەرەبە بويىنشا ا توبىندا موڭعوليا، تاجىكستان، قىتاي، رەسەي كوماندالارى، ال، ب توبىندا قازاقستان، وزبەكستان، اۋعانستان كوماندالارى وينايدى.

بۇگىن الاۋى تۇتاناتىن تۇڭعىش ازيا چەمپيوناتىنىڭ العاشقى باسەكەسى موڭعوليا مەن تاجىكستان، ەكىنشى باسەكەسى قىتاي مەن رەسەي كوماندالارىنىڭ اراسىندا وتەدى. ءۇشىنشى كەزدەسۋگە قازاقستان مەن وزبەكستان كوماندالارى شىعادى.

Көкпардан І Азия чемпионатының жеребесі тартылды

 جاستار اراسىنداعى 1 ازيا چەمپيوناتىنىڭ سالتاناتتى اشىلۋى 12:30-دا باستالادى.

ايتا كەتەيىك، اتالمىش چەمپيوناتقا قازاقستان، رەسەي، قىتاي، ۆەنگريا، مونعوليا، مالايزيا، تۇركيا، وزبەكستان، تاجىكستان، اۋعانستان، قىرعىزستان سەكىلدى جالپى جيىنى 11 مەملەكەتتىڭ ەڭ ۇزدىك سپورتشى جاستار كوماندالارى كوكپار، اۋدارىسپاق، تەڭگە ءىلۋ جانە جامبى اتۋ سپورتىنان باق سىنايدى.

اۆتور: كۇنسۇلتان وتارباي

Көкпардан І Азия чемпионатының жеребесі тартылды

Көкпардан І Азия чемпионатының жеребесі тартылды

سوڭعى جاڭالىقتار