قازاقستاندىقتار مامىردا 11 كۇن دەمالادى
قازاقستاندىقتار 1 - مامىردا بىرلىك كۇنىن، 7 - مامىردا وتان قورعاۋشىلار جانە 9 - مامىردا جەڭىس كۇنىن اتاپ وتەتىنى بەلگىلى. جالپى، مامىر ايىندا 20 جۇمىس كۇنى بار. مەرەكەلى كۇندەرگە بايلانىستى ەل تۇرعىندارى 1 ، 7, 9 جانە 10- مامىردا دەمالادى. قالعان جۇمىس كۇندەرى قالىپتى تارتىپتە قالا بەرمەك.
ايتا كەتسەك، ق ر «قازاقستان رەسپۋبليكاسىنداعى مەرەكە كۇندەرى تۋرالى» زاڭىنا سايكەس، قازاقستان رەسپۋبليكاسىندا ۇلتتىق جانە مەملەكەتتىك مەرەكە اتاپ وتىلەتىن كۇندەر ەلدىڭ ەڭبەك زاڭناماسىنا سايكەس مەرەكەلىك كۇندەر بولىپ سانالادى. مەملەكەتتىك جانە ۇلتتىق مەرەكەلەردىڭ تىزىمىنە جاڭا جىل - 1-2 - قاڭتار، حالىقارالىق ايەلدەر كۇنى - 8 - ناۋرىز، ناۋرىز مەيرامى - 21-23 - ناۋرىز، قازاقستان حالقىنىڭ بىرلىگى كۇنى - 1 - مامىر، وتان قورعاۋشىلار كۇنى - 7 - مامىر، جەڭىس كۇنى - 9 - مامىر، استانا كۇنى - 6 - شىلدە، ق ر كونستيتۋتسياسى كۇنى - 30 - تامىز، تۇڭعىش پرەزيدەنت كۇنى - 1 - جەلتوقسان، قازاقستان رەسپۋبليكاسىنىڭ تاۋەلسىزدىگى كۇنى - 16 -جەلتوقسان ەنەدى.
ەسكە سالا كەتسەك، جالپى بيىل قازاقستاندىقتار 119 كۇن دەمالادى. قازاقستاندىقتار ەڭ كوپ دەمالعان كۇندەرى - ناۋرىز ايىنا (14 كۇن) كەلدى.