تۇرمىسى تومەن وتباسىنان شىققان 11 جاستاعى قىزدىڭ حاتى جۇرتتىڭ كوڭىلىن بوساتتى
قىز ءوزىنىڭ 7 ادامنان تۇراتىن وتباسى اياداي ءبىر بولمەدە تۇرىپ جاتقانىن جازىپتى. ول ەكى اپكەسىمەن بىرگە ەدەندە ۇيىقتايدى ەكەن.
ءوز سوزىندە قىز كۇن سايىن اناسىنىڭ جىلاعانىن كورەتىنىن، ءوزىنىڭ دە كوز جاسىن ۇستاي الماي، ەڭىرەپ قويا بەرەتىنىن جازعان.
«قاتارلاستارىمنىڭ تۋعان كۇنىنە بارمايمىن. سەبەبى كەيىن ولاردى دا قوناققا شاقىرۋىم كەرەك بولادى. ال وتباسىمنىڭ قوناق قابىلدايتىن جاعدايى جوق» ، - دەپ جازعان ول حاتتا.
وقۋشى قىز وزىنە ەشكىمنىڭ قامقورلىق تانىتپايتىنىن، ءتىپتى، ەشكىم ءوزىن باقىتتى كۇيدە كورگىسى كەلمەيتىنىن ايتادى.
«مەن سىزدەرگە ءبارى ءبىر ەكەنىن بىلەمىن. سەبەبى ولاي بولماسا، سىزدەر ماعان كومەكتەسەر ەدىڭىزدەر» ، - دەيدى ول.
حاتتىڭ اۆتورى ءوزىنىڭ قيىندىقتارى تۋرالى ايتقىسى كەلمەيتىنىن جازعان. الايدا باسقا امالىم جوق، ايتپەسە، ەشكىم كومەكتەسپەيدى، دەيدى قىز.
جەلىدە تاراعان حات قولدانۋشىلاردىڭ كوڭىلىن بوساتتى. جەلى قولدانۋشىلارى حاتتى وقىعاننان كەيىن جۇرەگى اۋىرىپ، قاراپايىم ادامداردىڭ قيىندىقتارىن ەشكىم ەلەمەيتىنىن جازعان.
«ۇكىمەت وزدەرىن قۇتقارۋ ءۇشىن ميللياردتاعان اقشا جۇمساۋدا. ال ول اقشا كىمگە تيەسىلى بولسا، سول ادامدارعا بەرىلۋى ءتيىس» ، - دەيدى لوندوندىق تۇرعىن.
قىزعا جانى اشىعان قولدانۋشىلار ۇكىمەت مۇشەلەرى ونىڭ وتباسىنا كومەكتەسەدى دەپ ۇمىتتەندى. ال وزگەلەرى قيىن جاعدايدا ءومىر ءسۇرىپ جاتقان وتباسىعا كومەك قولىن سوزۋدى ۇسىندى.