جانىبەك ءالىمحان ۇلى 11 جىل تۇرمەدە وتىرعان امەريكالىق «جىرتقىشپەن» كەزدەسەدى
ايتا كەتسەك، بۇدان بۇرىن قازاقستاندىق بوكسشىنىڭ كەلەسى ايقاسى قاشان جانە قايدا وتەتىنىن حابارلاعان بولاتىنبىز. BoxRec.com اقپاراتى بويىنشا، قازاقستاندىقتىڭ كەلەسى قارسىلاسى امەريكالىق ۆون الەكساندەر (12-1، 8 ك و) بولماق. ايقاس ەل- پاسودا (تەحاس، ا ق ش) وتەدى.
امەريكالىق تۋرالى اقپاراتتى ىزدەستىرە كەلە قىزىقتى مالىمەتتى كەزدەستىردىك. بەلگىلى بولعانداي «The Animal» اتاعىمەن بەلگىلى امەريكالىق بوكسشى 2004 -جىلى ايتارلىقتاي تابىستى كەلە جاتقان سپورتشىلاردىڭ ءبىرى بولعان. الايدا سول جىلى قارۋلى شابۋىلعا قاتىسقانى ءۇشىن تۇرمەگە ءتۇسىپ قالعان. تەك 2015 -جىلى تۇرمەدەن بوساپ شىققان ول 2015 -جىلدان بەرى التى بىردەي جەڭىستى جەكپە-جەك وتكىزگەن.
ءبىر قىزىعى، وسى جىلدىڭ باسىندا ءدال وسى ۆون الەكساندەر گەننادي گولوۆكينمەن ايقاسقىسى كەلەتىنىن جاريا ەتكەن. جاستىق شاعىن تۇرمەگە بەرگەن سپورتشى بوكستى ساعىنعانىن، «جەڭىسكە اش ەكەنىن» ايتىپ وتكەن.
ۆون الەكساندەردىڭ جاسى 32-دە. ا ق ش- تىڭ ميسسۋري شتاتىنىڭ سەنت-لۋيس قالاسىنىڭ تۋماسى. وسىعان دەيىن 12 كەزدەسۋ وتكىزىپ، 8 ىن ۋاقىتىنان بۇرىن اياقتاعان. ءبىر مارتە جەڭىلگەن.
ەسكە سالا كەتسەك، قازاقستاندىق بوكسشى جانىبەك ءالىمحان ۇلى قىركۇيەكتىڭ سوڭىندا كاسىپقوي بوكس رينگىندەگى ءوزىنىڭ ءۇشىنشى جەكپە-جەگىن جەڭىسپەن اياقتاعان بولاتىن. ول ا ق ش- تىڭ كاليفورنيا شتاتىنداعى وكلەند قالاسىندا كولۋمبيالىق كارلوس گالۆانمەن (16-7-1، 15 ك و) كەزدەسىپ، تورەشىلەردىڭ شەشىمىمەن جەڭىسكە جەتكەن.