جانىبەك ءالىمحان ۇلى 11 جىل بويى تۇرمەدە وتىرىپ شىققان بوكسشىمەن جۇدىرىقتاسپاق

None
None
استانا. قازاقپارات - كاسىبي بوكسقا اۋىسقان جانىبەك ءالىمحان ۇلى ءۇشىنشى قاراشا كۇنى ا ق ش- تىڭ تەحاس شتاتىنداعى «ەل-پاسو» رينگىندە جۇدىرىقتاساتىن بولادى.

بوكسشىنىڭ قارسىلاسى رەتىندە «ايۋان» لاقاپ اتى تانىمال امەريكالىق سپورتشى ۆون الەكساندەر دەپ حابارلايدى sports.kz سايتى.

قازاق بوكسشىسى مەن امەريكالىق بوكسشى اراسىنداعى جەكپە-جەك ميگەل بەرچەلت پەن ميگەل روماننىڭ بوكس كەشىنىڭ اندەركاردى اياسىندا وتپەك.

ايتا كەتەيىك، «ايۋان» لاقاپ اتىمەن تانىمال ۆون الەكساندر ەكى سالماق دارەجەسىندەگى بۇرىنعى چەمپيون ديەۆون الەكساندەردىڭ باۋىرى.

2004-جىلى ۆون قاراقشىلىعى ءۇشىن ايىپتالىپ، 11 جىلعا باس بوستاندىعىنان ايىرىلعان بولاتىن. 2015-جىلى بوساپ شىققان سپورتشى ۇلكەن سپورتقا قايتا ورالعان.

ال جانىبەك ءالىمحان ۇلى ۆون الەكساندرمەن كەزدەسپەستەن بۇرىن 28- قىركۇيەك كۇنى كولۋمبيالىق كارلوس گالۆانوعا قارسى شىعادى.

كاسىبي بوكسقا اۋىسقان قازاقستاندىق سپورتشىنىڭ ا ق ش- تاعى العاشقى جۇدىرىقتاسۋى وكلەند قالاسىندا وتپەك.

ەسكە سالا كەتەسەك، جانىبەك ءالىمحان ۇلى ءوزىنىڭ العاشقى ەكى كەزدەسۋىن الماتى مەن استانا قالالارىندا وتكىزگەن.

 

سوڭعى جاڭالىقتار