مالىك عابدۋللين شىعارمالارىنىڭ 11 تومدىق جيناعى جارىق كوردى
م. جۇمابايەۆ اتىنداعى اقمولا وبلىستىق امبەباپ-عىلىمي كىتاپحاناسىندا وتكەن اتالمىش جيناقتىڭ تۇساۋكەسەر شاراسىنا ايماق باسشىسى مالىك مىرزالين، الماتىداعى حالىقارالىق قازاق پەن كلۋبىنىڭ پرەزيدەنتى بيگەلدى عابدۋللين، قوعام قايراتكەرى، جازۋشى جابال ەرعاليەۆ، ش. ءۋاليحانوۆ اتىنداعى كوكشەتاۋ مەملەكەتتىك ۋنيۆەرسيتەتىنىڭ پروفەسورى، پەداگوگيكا عىلىمدارىنىڭ كانديداتى ءسابيت جامبەك، كوكشەتاۋ قالاسىنداعى مالىك عابدۋللين مۋزەيىنىڭ ديرەكتورى قۇدايبەرلى مىرزابەك جانە مالىك عابدۋلليننىڭ قىزى مايدان مالىك قىزى باستاعان جازۋشىنىڭ تۋعان تۋىستارى، قوعام قايراتكەرلەرى، اقىن- جازۋشىلار، پەداگوگتىڭ شاكىرتتەرى مەن بۇقارالىق اقپارات وكىلدەرى قاتىستى.
جيناق «يدان» باسپاسىندا 1000 تيراجبەن باسىلىپ شىقتى.
«رۋحاني جاڭعىرۋ» باعدارلاماسى شەڭبەرىندە ەتنوپەداگوگيكالىق جانە ادەبي مۇرالارىن ناسيحاتتاۋ ماقساتىندا جۇزەگە اسىرىلىپ وتىرعان جوبا باتىردىڭ شىعارماشىلىعىن دارىپتەۋ ارقىلى جاستار بويىنا وتانسۇيگىشتىك رۋح، پاتريوتتىق سەزىم ۇيالاتۋ، سونىمەن قاتار مادەنيەت سالاسىنداعى مەملەكەتتىك ساياساتتى جۇزەگە اسىرۋعا سەپتىگىن تيگىزەدى»، - دەدى ايماق باسشىسى ءوز سوزىندە.
شارا بارىسىندا 11 تومدىق جيناق اقمولا وبلىسىنىڭ ەكى قالاسى مەن 17 اۋدانىنان جانە اقتوبە، وڭتۇستىك قازاقستان، سولتۇستىك قازاقستان، پاۆلودار وبلىستارى مەن استانادان كەلگەن كىتاپحانا وكىلدەرىنە ۇلەستىرىلدى.