پاۆلوداردا قاتتى جەل وزەنگە قۇلاتقان 11 جاسار بالانى قۇتقاردى

پاۆلودار. قازاقپارات - پاۆلوداردا ۋسولكا وزەنىنەن 11 جاستاعى بالا قۇتقارىلدى.

بۇل تۋرالى وبلىستىق ت ج د-نىڭ باسپا ءسوز قىزمەتى ءمالىم ەتتى، دەپ حابارلايدى pavlodarnews.kz.

«ساعات 19.14-تە وقۋشى وزەننىڭ ماڭىندا سەرۋەندەپ ءجۇرىپ، جەلدىڭ ەكپىنىنە قارسى تۇرا الماي سۋعا قۇلاپ تۇسكەن. وقيعا «دەلفين» قۇتقارۋ ستانسياسىنىڭ ماڭىندا بولعان. قاسىندا بولعان ءۇش جەتكىنشەك شوشىپ قالعان بولار، سول جەردەن قاشىپ كەتتى»، - دەدى ت ج د جەدەل ىزدەۋ جاساعىنىڭ باسشىسى سەرىك شەريازدانوۆ.

بالانىڭ كومەككە شاقىرىپ جاتقان داۋىسىن 200-250 مەتر قاشىقتىقتا جۇرگەن قۇتقارۋشىلار ەستىگەن. ولار جەتكىنشەكتى جىلىتقاننان كەيىن اپكەسىنە حابارلاسىپ، قولىنا تاپسىرعان.