پەتروپاۆلدا 116 وتباسى قونىس تويىن تويلادى
«نۇرلى جەر» باعدارلاماسىنىڭ «ساتىپ الۋ قۇقىعىمەن جالعا بەرىلەتىن تۇرعىن ءۇي» باعىتى قازاقستان حالقىن قولجەتىمدى تۇرعىن ۇيمەن قامتاماسىز ەتۋدى كوزدەيدى. باعدارلاما وپەراتورلارىنىڭ ءبىرى - «قازاقستان يپوتەكالىق كومپانياسى».
كەزەكتە تۇرعان ادامدار ءۇشىن جالداۋ قۇنىنىڭ 1 شارشى مەترى - ايىنا 772,7 تەڭگە. پاتەر العانداردىڭ اراسىندا كوپبالالى وتباسىلار، مۇگەدەك بالالارى بار نەمەسە ولاردى تاربيەلەۋشى وتباسىلار، جەتىم جانە اتا- انا قامقورلىعىنسىز قالعان بالالار جانە حالىقتىڭ الەۋمەتتىك وسال توپتارىنا جاتاتىن باسقا دا ازاماتتار بار.
«قازاقستان يپوتەكالىق كومپانياسى» ي ۇ» ا ق باسقارۋشى ديرەكتورى ارمان مۇحاتوۆتىڭ ايتۋىنشا، ساتىپ الۋ قۇقىعىمەن جالعا بەرىلەتىن تۇرعىن ءۇي - ەڭ وسال ساناتقا جاتاتىن ازاماتتار ءۇشىن باسپانا ماسەلەسىنىڭ وڭتايلى شەشىمى.
«بۇل جۇيە شىن مانىندە مۇقتاج ادامدارعا تۇرعىن ءۇي الۋعا كەپىلدىك بەرەدى. باستاپقى جارنا مەن ارتىق تولەمدەر جوق، سونىڭ ارقاسىندا وتباسى ارتىق شىعىندانبايدى. سونىمەن قاتار، پاتەر تازالاپ، ارلەنىپ بەرىلەدى، ياعني كەزەكتە تۇرعان ادامدار كىلتتى العاننان كەيىن بىردەن قونىستانا الادى»، - دەيدى باسقارۋشى ديرەكتور.
پەتروپاۆل قالاسىنىڭ تۇرعىندارىنا قازبەك بايبۋلوۆ كوشەسى، 69 ءۇي مەكەنجايىندا ورنالاسقان ۇيدەن ءبىر بولمەلى - 36، ەكى بولمەلى - 58 جانە ءۇش بولمەلى - 22 پاتەر بەرىلدى.
پاتەرلەردىڭ اۋدانى - 39,5 شارشى مەتردەن باستاپ 78,5 شارشى مەترگە دەيىن.
قونىس تانۋشىلارعا پاتەر كىلتىن تابىستاعان سولتۇستىك قازاقستان وبلىسىنىڭ اكىمى قۇمار اقساقالوۆ بۇل ءۇيدىڭ «نۇرلى جەر» باعدارلاماسى اياسىندا سالىنعانىن ەرەكشە اتاپ ءوتتى.
«مەملەكەتتىك باعدارلاما ارقاسىندا قالامىزدا تۇرعىن ۇيلەر كوپتەپ سالىنۋدا. بىلتىر ءبىز 1000 پاتەر، بيىل 1209 پاتەردى يەلەرىنە تاپسىردىق. «نۇرلى جەر» سياقتى مەملەكەتتىك باعدارلامالاردىڭ ارقاسىندا وتانداستارىمىز ءوز ومىرلەرىن ساپالى تۇردە جاقسارتا الادى» دەدى ول.
جىل سوڭىنا دەيىن پەتروپاۆلدا ءۇي كەزەگىندە تۇرعان ادامدار ءۇشىن تاعى 96 پاتەر پايدالانۋعا بەرىلەدى.
