جەتىسايدا بيىل 115 مىڭ توننا ماقتا جينالعان

جەتىساي. قازاقپارات - تۇركىستان وبلىسى جەتىساي اۋدانىنداعى ماقتا القاپتارىندا جيىن- تەرىم جۇمىستارى قىزۋ ءجۇرىپ جاتىر. قازىرگى تاڭدا ديقانداردىڭ قويماسىنا 115 مىڭ توننا ماقتا جينالدى، دەپ حابارلايدى قازاقپارات.

وڭىرلىك كوممۋنيكاتسيالار ورتالىعىنىڭ مالىمەتىنشە، اق التىننىڭ ونىمدىلىگى گەكتارىنا 23,6 سەنتنەردەن ءتۇسىپ وتىر.

شارۋالار ءبىرىنشى تەرىم جۇمىستارىن بىرنەشە كۇندە تولىعىمەن اياقتايدى. اۋداندا بيىل 48943 گەكتار اۋماققا ماقتا ءدانى سەبىلگەن. جەتىساي اۋدانىندا ماقتا تۇسىمدىلىگى جاعىنان اتامەكەن اۋىل وكرۋگى كوش باستاپ كەلەدى. ونداعى شارۋالار ماقتانىڭ ءار گەكتارىنان ورتاشا ەسەپپەن 27,6 سەنتنەردەن ءونىم السا، ەراليەۆ اۋىل وكرۋگىندە 26,8 سەنتنەرلىك تۇسىممەن ۇزدىك ۇشتىكتىڭ قاتارىنان كورىنگەن. ال، اباي اۋىل وكرۋگىنىڭ ماقتاشىلارى 26,5 تسەنتنەرلىك ونىمدىلىك كورسەتكىشىنە قول جەتكىزدى.

بۇگىنگى تاڭدا اتامەكەن اۋىل وكرۋگىنىڭ ماقتاشىلارى - 14 مىڭ 769 توننا، جىلىسۋ اۋىل وكرۋگى - 13 مىڭ 783 توننا، ماقتالى اۋىل وكرۋگى -12 مىڭ 597 توننا ماقتا جيناپ ۇلگەرگەن.