09:28, 05 - قىركۇيەك 2019 | GMT +6
قازاقستاندىق اسا اۋىر سالماقتاعى بوكسشى قارسىلاسىن 115 سەكۋندتا نوكاۋتقا ءتۇسىردى
نۇر-سۇلتان. قازاقپارات - قازاقستاندىق بوكسشى دميتري احسيگەر كاسىبي مانسابىنداعى ءبىرىنشى ايقاسىن وتكىزدى، دەپ حابارلايدى Sports.kz.
ول كارتاحەنادا (كولۋمبيا) بوكس كەشى اياسىندا ونەر كورسەتتى. ءتورت راۋندقا سوزىلعان سۋپەر اۋىر سالماقتاعى ايقاستا 21 جاستاعى قازاقستاندىق بوكسشى كولۋمبيالىق حايمە توررەسپەن جۇدىرىقتاستى. بۇل ونىڭ دا كاسىبي بوكستاعى دەبيۋتى.
احسيگەر ءبىرىنشى راۋندتا، ايقاستىڭ 115- سەكۋندىندا تەحنيكالىق نوكاۋتپەن جەڭدى. وسىلايشا، دميتري كاسىبي مانسابىنداعى جولىن ءساتتى باستاسا، توررەس ءبىرىنشى رەت جەڭىلدى.