كوشى-قون زاڭناماسىن بۇزعان 115 شەتەلدىك ەلدەن قۋىلدى
ق ر كوشى-قون ساياساتىنىڭ باستى ۇستانىمى - ۇلتارالىق كەلىسىم مەن تۇراقتىلىقتى ساقتاۋ. كوشى-قون پروتسەستەرىن باسقارۋ جانە رەتتەۋ حالىقارالىق ستاندارتتاردىڭ ساقتالۋىنا نەگىزدەلگەن. جىل باسىنان بەرى قوستاناي وبلىسىنا 18 مىڭعا جۋىق شەتەل ازاماتى كەلگەن. الايدا، كەلگەندەردىڭ بارلىعى بىردەي زاڭعا باعىنا بەرمەيدى.
«قوستاناي وبلىسىنىڭ پوليتسيا دەپارتامەنتى قىزمەتكەرلەرى تەك كوشى-قون زاڭناماسىن بۇزعانى ءۇشىن 1700 دەن استام شەتەل ازاماتىن اكىمشىلىك جاۋاپكەرشىلىككە تارتتى. كوشى-قون زاڭناماسىن بۇزۋشى 115 ادام ەلدەن شىعارىلدى، ونىڭ 11 نە ازاماتتىق ءىس جۇرگىزىلىپ جاتىر. شەتەلدىكتەردى شاقىرعان قازاقستان رەسپۋبليكاسى ازاماتتارى ۋاقتىلى تىركەۋدى قاماتاماسىز ەتۋى ءتيىس. وسى باعىتتا ءتيىستى شارالاردى قابىلداماعانى ءۇشىن 370 جەكە جانە زاڭدى تۇلعا اكىمشىلىك جازاعا تارتىلدى»، - دەلىنگەن دەپارتامەنتتىڭ باسپا ءسوز حابارلاماسىندا.
سونداي-اق، شەتەل تۇرعىندارىنىڭ ەڭبەگىن زاڭسىز پايدالانعان 90 عا جۋىق جۇمىس بەرۋشى انىقتالىپ، جازالانعان.