ەلوردادا 114 ماس جۇرگىزۋشى ۇستالدى
ەلوردا اۋماعىندا 19 شىلدەدەن باستاپ ء«قاۋىپسىز جول» رەسپۋبليكالىق جەدەل الدىن الۋ ءىس- شاراسى وتۋدە. ءىس- شارا باستالعاننان بەرى 16,5 مىڭنان استام جول قوزعالىسى ەرەجەلەرىن بۇزۋ فاكتىسى تىركەلدى، ونىڭ ىشىندە ماس كۇيىندە 114 جۇرگىزۋشى ۇستالدى، كولىك قۇرالىن باسقارۋ قۇقىعى جوق 312 جۇرگىزۋشى جانە اۆتوكولىكتى باسقارۋ قۇقىعىنان ايىرىلعان 20 جۇرگىزۋشى انىقتالدى.
سونىمەن قاتار، جول قوزعالىسى ەرەجەلەرىن بۇزعانى ءۇشىن 3315 جاياۋ جۇرگىنشى جاۋاپكەرشىلىككە تارتىلدى.
پوليتسيا قىزمەتكەرلەرى تۇنگى ۋاقىتتا قابانباي باتىر داڭعىلىندا كەزەكتى ماس حالدەگى جۇرگىزۋشىنى ۇستادى. Mercedes Benz-تىڭ 31 جاستاعى جۇرگىزۋشىسى كولىكتى ماساڭ كۇيدە باسقارعان. مەديتسينالىق كۋالاندىرۋ ناتيجەلەرى بويىنشا جۇرگىزۋشىنىڭ ورتاشا اۋىرلىقتا ماس بولعانى بەلگىلى بولدى. جۇرگىزۋشىگە قاتىستى ماساڭ كۇيدە كولىك قۇرالىن جۇرگىزگەنى ءۇشىن ا ق ب ت ك 608-بابىنىڭ 1-بولىگى بويىنشا اكىمشىلىك ءىس قوزعالدى. جۇرگىزۋشى قاماۋعا الىنىپ، اۆتوكولىك كوممۋنالدىق تۇراققا قويىلدى.
ايتا كەتۋ كەرەك، اتالعان قۇقىق بۇزۋشىلىق ءۇشىن باپتىڭ سانكتسياسى ون بەس تاۋلىككە اكىمشىلىك قاماۋعا جانە جەتى جىل مەرزىمگە كولىك قۇرالىن باسقارۋ قۇقىعىنان ايىرۋعا اكەپ سوعادى.