09:46, 16 - مامىر 2019 | GMT +6
كلود مونەنىڭ كارتيناسى 111 ميلليون دوللارعا ساتىلدى
نۇر-سۇلتان. قازاقپارات - نيۋ- يوركتەگى «سوتبيس» اۋكسيونىندا يمپرەسسيونيست كلود مونەنىڭ «ستوگا سەنا» كارتيناسى 111 ميلليون دوللارعا ساتىلدى.
بۇل - فرانسۋزدىق سۋرەتشىنىڭ جۇمىستارى ءۇشىن رەكوردتىق سوما. ۇيىمداستىرۋشىلار ساتىپ الۋشىنىڭ ەسىمىن قۇپيا ساقتاپ وتىر.
ايتا كەتەيىك، تۋىندى ⅩⅨ عاسىردىڭ اياعىندا مايلى بوياۋمەن سالىنعان. جەكە يەلىكتەگى ساناۋلى كارتينالاردىڭ ءبىرى بولىپ سانالادى. سۋرەتتە نورماندياداعى اۋىلدىڭ بىرىندە استىق جينايتىن ۋاقىتتاعى جايىلىم بەينەلەنگەن.