سيرياداعى سوعىس 111 جاستاعى كەيۋانانى بوسقىنعا اينالدىردى

استانا. قازاقپارات - سيرياداعى ۇزاققا سوزىلعان سوعىس 111 جاستاعى كەيۋانا لەيلا سالەحتى بوسقىنعا اينالدىردى، دەپ حابارلايدى euronews.

ول قولىنداعى قۇجات بويىنشا 1907 -جىلى سيرياداعى كوباني قالاسىندا دۇنيەگە كەلگەن. لەيلانىڭ ۇلتى كۇرد. 100 جاسقا تولعان مەرەي تويىن اتاپ وتكەن قاريانى سيريادا باستالعان سوعىس ءومىر بويى تىرشىلىك كەشىپ كەلگەن ءۇيىن تاستاۋعا ءماجبۇر ەتتى. ول بالالارىمەن بىرگە الدىمەن تۇركيانى پانالادى، ودان سوڭ تەڭىز ارقىلى گرەكياعا وتكەن.

جۇزدەن اسقان لەيلاعا بوسقىن مارتەبەسى بەرىلگەن، ءبىراق ۇلى مەن كەلىنى، نەمەرەلەرى جانە ەكى شوبەرەسىندە ونداي ستاتۋس جوق.

ولاردىڭ قۇجاتتارى الداعى جىلدىڭ قاڭتارىندا قايتا قارالماق. قۇقىق قورعاۋشىلار بۇل وتباسىنا كومەكتەسۋگە ارەكەتتەنىپ جاتىر.