بيىل قازاقستاندا 1118 تراكتور جانە 736 كومباين قۇراستىرىلدى
«قازاقستاندا اۋىل شارۋاشىلىعى ماشيناسىن جاساۋ ءوندىرىسىنىڭ كولەمى 2019 -جىلدىڭ قورىتىندىسىندا 122,4 ميلليارد تەڭگەنى قۇراپ، 1849 تراكتور مەن 791 كومباين شىعارىلعان ەدى. بيىلعى 8 ايدىڭ قورىتىندىسىندا وتاندىق كاسىپورىندار 20,3 ميلليارد تەڭگەگە 1118 تراكتور جانە 34,7 ميلليارد تەڭگەگە 736 كومباين قۇراستىردى. بۇل وتكەن جىلدىڭ سايكەس كەزەڭىمەن سالىستىرعاندا 2 ەسە ارتىق»، - دەلىنگەن يندۋستريا جانە ينفراقۇرىلىمدىق دامۋ مينيسترلىگىنىڭ مالىمەتىندە.
اتالعان ۆەدومستۆو وتاندىق ءوندىرىستىڭ اۋىل شارۋاشىلىعى تەحنيكاسىن ساتىپ الۋدى ىنتالاندىرۋ ماقساتىندا تراكتورلار مەن كومبايندارعا جەڭىلدىكتى ليزينگ باعدارلاماسىن ىسكە اسىرۋدا. باعدارلامانىڭ نەگىزگى شارتتارى بويىنشا تەحنيكا قۇنىنىڭ % 15 باستاپقى جارناسىمەن 7 جىلعا 7 پايىزبەن ليزينگ الۋشىعا قارجىلاندىرۋ ۇسىنىلادى. 2018 -جىلى بۇل ماقساتقا رەسپۋبليكالىق بيۋدجەتتەن 3 ميلليارد تەڭگە، 2019 -جىلى 3,5 ميلليارد تەڭگە جانە 2020 -جىلى 6,5 ميلليارد تەڭگە ءبولىندى. سالانى ءارى قاراي قولداۋ ماقساتىندا جەڭىلدىكتى ليزينگ باعدارلاماسى اياسىندا «ق د ب- ليزينگ» ا ق ارقىلى تراكتورلار مەن كومبايندارعا 2021-2025 -جىلدارعا 13,5 ميلليارد تەڭگە مولشەرىندە قوسىمشا قاراجات ءبولۋ ۇسىنىلىپ وتىر.
اۆتور: رۋسلان عابباسوۆ