الەمنىڭ 110 ەلىندە كوروناۆيرۋستىڭ تارالۋ كورسەتكىشى ءوستى
30 ماۋسىم 23:09

الەمنىڭ 110 ەلىندە كوروناۆيرۋستىڭ تارالۋ كورسەتكىشى ءوستى

نۇر-سۇلتان. قازاقپارات - الەمنىڭ 110 ەلىندە كوروناۆيرۋس ىندەتى وسكەن.

بۇل تۋرالى قازاقپارات COVID-19 تارالۋىنا جول بەرمەۋ جونىندەگى ۆاك تەلەگرام كانالىنا سىلتەمە جاساپ حابارلايدى.

دۇنيەجۇزىلىك دەنساۋلىق ساقتاۋ ۇيىمىنىڭ (د د ۇ) باس ديرەكتورى تەدروس ادان گەبرەيۋس بۇكىل الەمدە كوروناۆيرۋس ينفەكتسياسىن جۇقتىرۋ كورسەتكىشتەرىنىڭ جوعارىلاي تۇسكەنىن، 110 ەلدە ينفەكسيانىڭ ءوسۋى بايقالعانىن ايتتى.

ونىڭ سوزىنە قاراعاندا، وميكرون شتامدارىنىڭ BA.4 جانە ۆا.5 تۇرلەرىنىڭ تارالۋ اسەرىنەن جاعداي 110 مەملەكەتتە كۇردەلەنىپ وتىرعانىن، پاندەميا اياقتالعان جوق.

«جۇزدەگەن ميلليون ادامدار، سونىڭ ىشىندە دەنساۋلىق ساقتاۋ قىزمەتكەرلەرى مەن تابىسى تومەن ەلدەردەگى قارتتار ۆاكسينالاۋدان قالىس قالۋدا، بۇل ولاردى ۆيرۋستىڭ بولاشاق تولقىندارىنا وسال ەتەدى»، - دەدى د د ۇ باسشىسى.

سونداي-اق ول بۇكىل الەمدە COVID-19 اۋرۋى %20 عا وسكەنىن، ال د د ۇ قاتىساتىن ايماقتاردىڭ جارتىسىندا كوروناۆيرۋس سالدارىنان بولاتىن ءولىم-ءجىتىم سانىنىڭ دا كوبەيگەنىن اتاپ ءوتتى.

جاڭالىقتار