پاۆلودارلىق 110 جاستاعى كەيۋاناعا جاڭا جەكە كۋالىك تابىستالدى
بۇل تۋرالى «ازاماتتارعا ارنالعان ۇكىمەت» م ك وبلىستىق فيليالىنان ءمالىم ەتتى، دەپ حابارلايدى قازاقپارات ravlodarnews.kz سايتىنا سىلتەمە جاساپ.
بۇگىن ازاماتتارعا ارنالعان ۇكىمەت قىزمەتكەرلەرى اجەيدى قۇتتىقتاپ، جاڭا جەكە كۋالىگىن تابىس ەتتى.
- ۇ و س ارداگەرلەرى، مۇمكىندىگى شەكتەۋلى تۇلعالار (1،2،3-توپ مۇگەدەكتەرى)، مۇگەدەكتىگى بار بالالار ح ق و- عا بارماي-اق، مەملەكەتتىك قىزمەتتەردى ۇيدە الا الاتىنىن ەسكە سالامىز.
حالىققا قىزمەت كورسەتۋ ورتالىعىنىڭ قىزمەتكەرىن شاقىرۋ ءۇشىن ازاماتتار 1414 كە ءوتىنىش قالدىرۋى قاجەت، سودان كەيىن ولارعا 7 جۇمىس كۇنى ىشىندە ح ق و ماماندارى ۇيلەرىنە بارىپ قىزمەت كورسەتەتىن بولادى، - دەيدى «ازاماتتارعا ارنالعان ۇكىمەت» مەملەكەتتىك كورپوراتسياسى پ و ف باسپا ءسوز حاتشىسى مەيرامگۇل ءابدىراحمانوۆا.
وتكەن جىلى مەملەكەتتىك كورپوراتسيانىڭ فيليالى ەرتىس ءوڭىرىنىڭ تۇرعىندارىنا 2777 رەت ۇيلەرىنە بارىپ 3035 قىزمەت كورسەتكەن.