اۋىلداردا ءۇي سالۋعا 110 مىڭ جەر ۋچاسكەسى بەرىلەدى
بۇل تۋرالى يندۋستريا جانە ينفراقۇرىلىمدىق دامۋ ءبىرىنشى ۆيتسە- ءمينيسترى قايىربەك وسكەنبايەۆ ايتتى.
«تۇرعىن ءۇي قۇرىلىسىن ىنتالاندىرۋ جانە قۇنىن ارزانداتۋ ماقساتىندا مەملەكەت تۇرعىن ءۇي قۇرىلىسى سالىناتىن اۋدانداردى، ونىڭ ىشىندە ازاماتتارعا جەكە قۇرىلىس سالۋ ءۇشىن بولىنەتىن جەر ۋچاسكەلەرىن ينجەنەرلىك جەلىلەرمەن جابدىقتايدى. 2021-2025 -جىلدارى 235 مىڭ جەر ۋچاسكەسىن قاجەتتى ينفراقۇرىلىممەن قامتاماسىز ەتۋ جوسپارلانۋدا. ونىڭ ىشىندە وبلىس ورتالىقتارىندا، شاعىن قالالاردا - 125 مىڭ جەر ۋچاسكەسى جانە اۋىلدىق جەرلەردە 110 مىڭ جەر ۋچاسكەسى. جىل سايىن بۇل ماقساتتا رەسپۋبليكالىق بيۋدجەتتەن 130 ميلليارد تەڭگەدەن ءبولۋ كوزدەلەدى»، - دەدى ۆيتسە- مينيستر ورتالىق كوممۋنيكاتسيالار قىزمەتىندە وتكەن بريفينگىدە.
بۇعان دەيىن حابارلاعانىمىزداي، «نۇرلى جەر» باعدارلاماسى بويىنشا سالىناتىن پاتەر سانى كوبەيەتىن بولدى. وسى شارادا «وتباسى بانك» ا ق باسقارما ءتوراعاسى ءلاززات يبراگيموۆا بيىل «باقىتتى وتباسى» باعدارلاماسى بويىنشا 5 مىڭ پاتەر بەرىلەتىنىن ايتتى.
اۆتور: ەسىمجان ناقتىباي