07:51, 09 - ناۋرىز 2020 | GMT +6
110 جاستاعى كەيۋانا سەمەي قالاسىنىڭ قۇرمەتتى ازاماتى اتاندى
سەمەي. قازاقپارات - سەمەي قالاسىنىڭ اكىمى ەرماك ءسالىموۆ 110 جاستاعى اجار وماربايەۆانى 8 ناۋرىز حالىقارالىق ايەلدەر كۇنىمەن قۇتتىقتادى، دەپ حابارلايدى قازاقپارات ءتىلشىسى.
«بۇگىنگى كۇنى وتە جاقسى ميسسيا ورىندالدى. ايەلدەر مەرەكەسى قارساڭىندا سەمەي قالاسىنىڭ قۇرمەتتى ازاماتى، 8 بالا مەن ۇلكەن، تاتۋ- ءتاتتى وتباسىنىڭ اناسىنا كۋالىك پەن توسبەلگىسىن تابىس ەتتىم. قازىر نەمەرەلەرى مەن شوبەرەلەرى اراسىندا باقىتتى ءومىر ءسۇرىپ جاتقان اجار وماربايەۆا قيىنشىلىققا تولى جولدى لايىقتى باستان كەشىرگەن. 70 جاسقا دەيىن شالعاي اۋىلدا شوپان بولعان. ونىڭ كۋالىگىندەگى تۋعان كۇنى - 1910 -جىلدىڭ 1-قاڭتارى دەپ تۇر»، - دەپ جازدى قالا اكىمى ەرماك ءسالىموۆ ءوزىنىڭ instagram پاراقشاسىندا.
سونداي-اق قالا باسشىسى قوعامدا ادامنىڭ ەڭ باستى بايلىعى - انا، ايەل- اپەكە، قۇربى، جار، ال ولاردىڭ ورنى ەرەكشە ەكەنىن اتاپ ءوتتى.
«انالارىمىزعا كوپ العىس ايتامىز!»، - دەپ جازدى قالا باسشىسى.
اۆتورى: ورال ەرلان ۇلى