+7 (701) 759 90 19
-6 °С : نۇر-سۇلتان
-2 °С : الماتى
USD 423.87 EUR 505.25
RUB 5.59 CNY 64.43
جاڭالىقتار

ەلىمىزدە 11 ميلليون 730 مىڭ ازامات تۇرعىلىقتى جەرىندە تىركەلگەن

27 قازان 16:29
:ءبولىسۋ
ەلىمىزدە 11 ميلليون 730 مىڭ ازامات تۇرعىلىقتى جەرىندە تىركەلگەن

نۇر- سۇلتان. قازاقپارات - ەلىمىزدە 18 جاسقا تولعان 11 ميلليون 730 مىڭنان استام ازامات تۇرعىلىقتى جەرىندە تىركەلگەن. بۇل تۋرالى ق ر ىشكى ىستەر ءمينيسترىنىڭ ءبىرىنشى ورىنباسارى مارات قوجايەۆ ايتتى، دەپ حابارلايدى قازاقپارات ءتىلشىسى.

«ناقتى سايلاۋ ۋچاسكەسىنە ازاماتتى سايلاۋشىلار تىزىلىمىنە ەنگىزۋ ءۇشىن ونىڭ وسى سايلاۋ ۋچاسكەسىنىڭ اۋماعىنداعى تۇرعىلىقتى جەرى بويىنشا تىركەلۋ فاكتىسى نەگىز بولىپ سانالادى. «حالىقتىڭ كوشى- قونى تۋرالى» زاڭنىڭ 51-بابىندا ىشكى كوشىپ- قونۋشىلاردىڭ تۇراقتى جانە ۋاقىتشا تۇرعىلىقتى جەرى بويىنشا تىركەلۋ مىندەتى كوزدەلگەن. وسى مىندەتتى ساقتاماعانى ءۇشىن اكىمشىلىك كودەكستىڭ 492-بابىندا اكىمشىلىك جاۋاپكەرشىلىك قاراستىرىلعان. ىشكى كوشىپ- قونۋشىلاردى تىركەۋ ءتارتىبى ق ر ۇكىمەتىنىڭ 2011 -جىلعى №1427 قاۋلىسىمەن رەتتەلگەن. قاعيدالارعا سايكەس، ق ر ازاماتتارى جاڭا تۇرعىلىقتى جەرىنە نەمەسە ۋاقىتشا تۇرۋعا كەلگەن كۇنىنەن باستاپ كۇنتىزبەلىك 10 كۇندە تىركەلەدى. بۇگىندە حالىقتى تۇرعىلىقتى جەرى بويىنشا تىركەۋ ءراسىمى تولىعىمەن اۆتوماتتاندىرىلعان جانە ەلەكتروندىق- سيفرلىق قولتاڭباسى بولعان كەزدە ەلەكتروندى ۇكىمەت پورتالى نەمەسە موبيلدى ۇكىمەت قوسىمشاسى ارقىلى، سونىمەن قاتار حالىققا قىزمەت كورسەتۋ ورتالىقتارىنا جۇگىنگەن كەزدە راسىمدەلەدى. تىركەۋ 3-5 مينۋتتان اسپايتىن ۋاقىتتى الادى»، - دەدى ول ورتالىق سايلاۋ كوميسسياسىنىڭ وتىرىسىندا.

ونىڭ اتاپ وتۋىنشە، تۇرعىلىقتى نە ۋاقىتشا تۇراتىن جەرى بويىنشا تىركەۋ كەزىندە جاڭا مەكەن جاي تۋرالى مالىمەتتەر دەرەۋ ءى ءى م- ءنىڭ اقپاراتتىق جۇيەسىنە ەنگىزىلەدى. ول جەردە ونلاين رەجيمدە ادىلەت مينيسترلىگىنىڭ «جەكە تۇلعالار» مەملەكەتتىك دەرەكقورىنا ەنگىزىلەدى. سونىڭ نەگىزىندە جەرگىلىكتى اتقارۋشى ورگاندار مەن و س ك سايلاۋشىلاردىڭ ءتىزىلىمىن جاسايدى.

«ءى ءى م مالىمەتتەرى بويىنشا وسى جىلدىڭ 26- قازانىنداعى جاعدايعا سايكەس، ەلىمىزدە 18 جاسقا تولعان 11733944 ازامات تىركەلگەن. ونىڭ ىشىندە 11099923 تۇرعىلىقتى جەرى بويىنشا تۇراقتى تىركەلگەن. 15324 ادام تەك ۋاقىتشا تىركەۋگە الىنعان. 618 مىڭنان استام ادام تۇرعىلىقتى جەرى بويىنشا تىركەۋدەن شىعارىلعان. ءقازىر مينيسترلىك ورتالىق سايلاۋ كوميسسياسىمەن بىرلەسىپ، سايلاۋشىلار ءتىزىمىن وزەكتەندىرۋ بويىنشا ءوزارا ءىس- قيمىل الگاريتمدەرىن پىسىقتاۋدا. سوعان سايكەس، پارلامەنت ءماجىلىسى دەپۋتاتتارىن سايلاۋعا دايىندىق بويىنشا جۇمىس جالعاسادى»، - دەدى مارات قوجايەۆ.

اۆتور: مارلان جيەمباي


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات