قازاقستاندىق فەرمەرلەر بيىل شەتەلدەن 11,6 مىڭ سيىر ساتىپ الدى
«سىباعا» باعدارلاماسى بويىنشا بيىل 108 تاۋار ءوندىرۋشى 11639 باس ءىرى قارانى شەتەلدەن ساتىپ الىپ كەلدى. نەگىزگى قارجىلاندىرىلعان سوما - 7,5 ميلليارد تەڭگە. 2019 -جىلمەن سالىستىرار بولساق، بىلتىر 63 مىڭ ءىرى قارا شەتەلدەن اكەلىنگەن بولاتىن. بيىل پاندەمياعا بايلانىستى جازدا ول جۇمىس كىشكەنە قىسقارىپ قالدى»، - دەدى «قازاگرو» ۇلتتىق باسقارۋشى حولدينگى» اكسيونەرلىك قوعامىنىڭ باسقارما ءتوراعاسى ەربول قاراشوكەيەۆ و ك ق- دا وتكەن باسپا ءسوز ءماسليحاتىندا.
ەسكە سالا كەتسەك اۋىل شارۋاشىلىعى ءمينيسترى ساپارحان وماروۆ ىشكى نارىقتى نەگىزگى تاماق ونىمدەرىمەن قامتۋ جوسپارى ءبىر اي ىشىندە بەكىتىلەتىنىن ءمالىم ەتكەن ەدى.
«بۇل ماسەلە بويىنشا 2023 -جىلدىڭ سوڭىنا قاراي ىشكى نارىقتى نەگىزگى تاماق ونىمدەرىمەن تولىقتاي مولىقتىرۋعا مۇمكىندىك بەرەتىن نەگىزگى تاسىلدەمەلەر ايقىندالعانىن اتاپ وتكىم كەلەدى. بۇل شارالار بۇگىن ۇكىمەت وتىرىسىندا تانىستىرىلدى. پرەمەر- ءمينيستردىڭ تاپسىرماسى بويىنشا ىشكى نارىقتى ازىق- تۇلىك ونىمدەرىمەن مولىقتىرۋ جونىندەگى كەشەندى جوسپاردىڭ جوباسى ءبىر اي مەرزىمدە مۇددەلى مەملەكەتتىك ورگاندارمەن كەلىسىلىپ، ۇكىمەتكە بەكىتۋگە ەنگىزىلەدى»، - دەدى ساراپحان وماروۆ.