فانتاستيكالىق ويىن. 11 مينۋتتا 4 گول قاقپاعا ەندى

None
None
 نۇر-سۇلتان. قازاقپارات - چ ل-نىڭ شيرەك فينالىندا اعىلشىندىق كوماندالار 11 گول سالدى.

بيىل شيرەك فينالعا اعىلشىندىق ءتورت بىردەي كوماندا جولداما العانى بارشاعا ايان.

الايدا، «مانچەستەر يۋنايتەد» قوس ويىندا بىردە-ءبىر گول سالا الماي، كاتالوندىق «بارسەلوناعا» جول بەرگەن بولاتىن.

وتكەن سارسەنبى كۇنى چەمپيوندار ليگاسىنىڭ كەزەكتى ويىندارى ءوتتى. وندا ا پ ل-دىڭ قالعان ءۇش بىردەي ازۋلى كوماندالارى ونەر كورسەتتى. بىردەن ايتا كەتەيىك، ەكى ويىندا اسا تارتىسقا تولى بولدى. پەپ گۆارديولا جەتەكشىلىك ەتەتىن «مانچەستەر سيتي» ءوز الاڭىندا «توتتەنحەمدى» قابىلداپ، ويىن باستالا سالىسىمەن 11 مينۋتقا دەيىن قوس كوماندا ەكى-ەكىدەن گول سالىپ، فانتاستيكالىق ويىن كورسەتتى.

دالىرەك ايتار بولساق، ويىننىڭ نەبارى 4 -مينۋتىندا ر. ستەرلينگ جىلدام گول سالدى. ودان سوڭ 7 جانە 10 -مينۋتتاردا «توتتەنحەم» ويىنشىسى سون حىن-مين ەكى گول سالىپ، ءوز كومانداسىنا باسىمدىلىق الىپ بەردى. ال ويىننىڭ 11 -مينۋتىندا ب. سيلۆا قاقپاعا تۋرا سوققى باعىتتاپ، ەسەپتى تەڭەستىردى. ەسەپ 2:2.

ەكى كوماندا اراسىنداعى ويىننىڭ 21 مينۋتىندا جىلدام گولمەن كوزگە تۇسكەن ر. ستەرلينگ ارىپتەسى ك. دە بريۋينە شىعارعان پاستى ىسىراپ ەتپەي، گولعا اينالدىرىپ، سون حىن-مين سەكىلدى «دۋبل اۆتورى» اتاندى. ءبىرىنشى تايمنىڭ قورىتىندىسى 3:2. ال، ەكىنشى تايمدا قوس كوماندا ءبىر-ءبىر گولدان سالدى. 63 مينۋتتا س. اگۋەرو كوزگە تۇسسە، 73 مينۋتتا قوسالقى قۇرامنان ويىنعا شىققان ف. لورەنتەنىڭ جولى بولدى. بۇل ويىندا ر. ستەرلينگ «حەت- تريك» جاسايتىن مۇمكىندىگى بولعان. الايدا، ويىننىڭ باس تورەشىسى دج. چاكىر VAR جۇيەسىنە جۇگىنىپ، سوعىلعان گولدى ەسەپتەمەي تاستادى. ناتيجەسىندە م. پوچەتتينو شاكىرتتەرى جارتىلاي فينالدا وينايتىن بولدى.

ال سالاح باستاعان سايىپقىراندار «پورتۋمەن» كەزدەسىپ، 4 بىردەي گول سالدى. «ليەۆەرپۋل» ساپىندا س. مانە، م. سالاح، ر. فيرمينو، ۆ. ۆان دەيك سالعان ءتورت بىردەي گولعا الاڭ يەلەرى ەدەر ميليتاونىڭ سوققان جالعىز عانا دوبىمەن جاۋاپ قايتارا الدى.

وسىلايشا چ ل-نىڭ شيرەك فينالىندا اعىلشىندىق كوماندالار 11 گول سالىپ، ىشكى چەمپيوناتتىڭ تارتىستى وتەتىنىن تاعى دا ءبىر دالەلدەدى.

سوڭعى جاڭالىقتار