قاستەرلى قالام جوباسى: الەمنىڭ 11 ەلىندە قازاق ءتىلىن وقىتاتىن 31 ونلاين سىنىپ جۇمىسىن باستايدى
بۇل جايلى ەلوردادا ءوتىپ جاتقان «وتانداستار. بولاشاققا باعدار» اتتى حالىقارالىق دوڭگەلەك ۇستەلىندە ق ر اقپارات جانە قوعامدىق دامۋ ءمينيسترى داۋرەن ابايەۆ ايتىپ ءوتتى، دەپ حابارلايدى قازاقپارات ءتىلشىسى.
«ول بويىنشا قازاق ءتىلىن قاشىقتىقتا وقيتىن ونلاين سىنىپتار اشىلىپ، الداعى ۋاقىتتا جۇمىس ىستەيتىن بولادى. نۇر-سۇلتان قالاسىنداعى ورتالىق باسقارۋ مەن جىل سوڭىنا دەيىن الەمنىڭ 11 ەلىندە وسىنداي 31 سىنىپ اشۋ جوسپارلانۋدا. اتقارىلىپ جاتقان جۇمىستاردىڭ ناتيجەسى قانداستاردىڭ قازاق قوعامىمەن بايلانىسىن كۇشەيتەرى ءسوزسىز. ول ءۇشىن سىزدەر مەن ءبىز وسىنداي ورتاق ىسكە كۇش بىرىكتىرىپ، كەرى بايلانىس پەن ءوزارا سەنىمگە نەگىزدەلگەن ءىس- قيمىلدى نىعايتۋ ماڭىزدى»، - دەدى ول.
ايتا كەتسەك، داۋرەن ابايەۆ بۇعان دەيىن قازاقستانعا كوشەتىن قانداستاردان تالاپ ەتىلەتىن قۇجات سانى 43 تەن 20 عا دەيىن قىسقاراتىنىن ءمالىم ەتكەن بولاتىن.
اۆتور: ايان بەكەن ۇلى