الاياقتار جاسقا قارامايدى: 11 گە تولماعان التى بالا جانە 11 قاريا قارجى پيراميداسىنا اقشا سالعان
بيىل قاڭتار- ءساۋىر ارالىعىندا ەلىمىزدە «قارجى پيراميداسىن قۇرۋ جانە باسقارۋ» بابى بويىنشا 45 قىلمىستىق ءىس تىركەلدى.
بۇل وتكەن جىلدىڭ سايكەس كەزەڭىمەن سالىستىرعاندا %6,3 از.
بۇل باعىتتاعى قىلمىستار كوبىنە الماتىدا (7 وقيعا) جاسالعان. ودان كەيىنگى ورىندا شىعىس قازاقستان وبلىسى (5 وقيعا) مەن استانا قالاسى (4 وقيعا) تۇر.
سونداي- اق، قارجى پيراميداسىمەن بايلانىستى قۇقىق بۇزۋشىلىقتار اباي، قاراعاندى وبلىستارى مەن شىمكەنت قالاسىندا دا از تىركەلمەگەن. ءار وڭىردە 3 وقيعادان انىقتالدى.
ق ر قارجى مونيتورينگى اگەنتتىگىنىڭ مالىمەتىنشە، بيىلعى 3 ايدا قارجى پيراميداسىنىڭ بەلگىلەرى بار 4 مىڭعا جۋىق سايت پەن اككاۋنت بۇعاتتالعان.
جوعارىدا كورسەتىلگەن قۇقىق بۇزۋشىلىق سالدارىنان قازاقستاندىقتارعا 12,2 ميلليارد تەڭگە زالال كەلدى. بۇل كورسەتكىش بىلتىرمەن سالىستىرعاندا 2,1 ەسە كوپ.
ونىڭ ىشىندە 12,1 ميلليارد تەڭگە جەكە تۇلعالارعا تيەسىلى شىعىن بولسا، 176,7 ميلليون تەڭگە زالال زاڭدى تۇلعالاردىڭ ۇلەسىندە.
4 ايدا قارجى پيراميداسىن قۇرىپ، ونى باسقارعان 30 ادام انىقتالدى. وتكەن جىلى مۇنداي ارەكەتى ءۇشىن 2 ازاماتقا ءىس قوزعالعان ەدى.
قىلمىسكەرلەردىڭ كوپشىلىگى - جۇمىسسىزدار.
قاڭتار- ءساۋىر ارالىعىندا 382 ادام قارجى پيراميداسىنىڭ قۇربانى بولدى. بۇل بىلتىرمەن سالىستىرعاندا 3,3 ەسە كوپ.
ولاردىڭ قاتارىندا 11 جاسقا تولماعان 6 بالا، 16-17 جاس ارالىعىنداعى 3 ءجاسوسپىرىم بار.
قالعانى - 18-60 جاس ارالىعىنداعى قازاقستاندىقتار.
زارداپ شەككەندەردىڭ%71,5 نەمەسە 273 ءى - ايەلدەر. سونداي- اق، بيىلعى 4 ايدا 11 زەينەتكەر مەن 3 وقۋشى قارجى پيراميداسىنا اقشا سالىپ، سان سوعىپ قالدى.