سوڭعى 11 جىلدا ا ي ت ۆ قاۋىپتى اۋرۋىن جۇقتىرعان جاسوسپىرىمدەر سانى 10 ەسە ءوستى

None
Ашық көздерден алынған фото
استانا. قازاقپارات - سوڭعى 11 -جىلدا ا ي ت ۆ (ادامنىڭ يممۋن تاپشىلىعى ۆيرۋسى) جۇقتىرعان 14-18 جاستاعى جاسوسپىرىمدەر سانى 10 ەسە ءوستى.

مۇنداي دەرەكتەر اشىق تالقىعا شىعارىلعان 2023-2027 -جىلدارعا ارنالعان جاستار ساياساتىنىڭ تۇجىرىمداماسى تۋرالى قۇجاتتا كەلتىرىلگەن، دەپ حابارلايدى قازاقپارات ءتىلشىسى.

«قازاقستان ا ي ت ۆ (ادامنىڭ يممۋن تاپشىلىعى ۆيرۋسى) ينفەكسياسىن جۇقتىراتىندار سانىنىڭ ءوسۋى بايقالاتىن الەمدەگى ساناۋلى ەلدەردىڭ ءبىرى. 2010-2021 -جىلدار ارالىعىندا تالداۋ ناتيجەسى بويىنشا ا ي ت ۆ جۇقتىرعان 14-18 جاستاعى جاسوسپىرىمدەر سانى - 10 ەسە، 19-24 جاستاعىلار - 155 ەسە جانە 25-28 جاستاعىلار اراسىندا 70 ەسە ۇلعايۋ ءۇردىسىنىڭ بار ەكەنى انىقتالدى»، - دەپ جازىلعان تۇجىرىمدامادا.

بۇل ماسەلەنىڭ شەشىمى رەتىندە اقپارات جانە قوعامدىق دامۋ مينيسترلىگى ەرتە جۇكتىلىك، جىنىستىق جولدارمەن بەرىلەتىن اۋرۋلاردىڭ الدىن الۋ، رەپرودۋكتيۆتى دەنساۋلىق سالاسىنداعى زەرتتەۋلەردى ارتتىرۋ جۇمىستارىن كەشەندى جولعا قويۋدى ۇسىنادى. سونىمەن قاتار، بۇل باعىتتا جاستارعا ءجيى اقپارات تاراتۋ، اتا-انالاردىڭ بالا دەنساۋلىعىنان حاباردار بولۋىن قامتاماسىز ەتۋ شارالارى كۇشەيتىلەدى.

اۆتور

ءاليحان اسقار

سوڭعى جاڭالىقتار