ەلىمىزدەن 10-ماۋسىمنان باستاپ اعاشتىڭ جەكەلەنگەن تۇرلەرىن ەكسپورتتاۋعا تىيىم سالىندى

None
استانا. قازاقپارات - يندۋستريا جانە ينفراقۇرىلىمدىق دامۋ ءمينيسترى «اعاش ماتەريالدارىنىڭ جەكەلەگەن تۇرلەرىن اكەتۋدى رەتتەۋدىڭ كەيبىر ماسەلەلەرى تۋرالى» بۇيرىققا قول قويدى، دەپ حابارلايدى قازاقپارات ءتىلشىسى.

«قازاقستان اۋماعىنان تاۋار كودى 4401 (وتىن رەتىندە پايدالانىلاتىن بورەنەلەر)، 4403 (وتىن رەتىندە پايدالانىلاتىن وڭدەلمەگەن اعاشتار)، 4404 (وڭدەلمەگەن اعاش قادالار مەن باعانالار) ، 4406 (تەمىرجول نەمەسە ترامۆاي جولدارىنا ارنالعان اعاش بورەنەلەر) جانە 4407 (قالىڭدىعى 6 م م اساتىن ارامەن كەسىلگەن نەمەسە سىندىرىلعان اعاشتار) بولاتىن اعاش ماتەريالدارىن اكەتۋگە 6 اي مەرزىمگە تىيىم سالۋ ەنگىزىلسىن»، - دەلىنگەن مينيستر م. قارابايەۆ قول قويعان بۇيىرىقتا.

بۇل ەكسپورتتىق شەكتەۋ 10-ماۋسىمنان باستاپ كۇشىنە ەنەدى.

قوسا كەتسەك، بۇعان دەيىن جانار- جاعارمايدى شەكارادان شىعارۋعا قويىلعان شەكتەۋ تاعى 6 ايعا ۇزاراتىنىن حابارلاپ ەدىك.

سوڭعى جاڭالىقتار