قازاقستاندا وندىرىلەتىن ءسۇتتىڭ 10 پايىزى سولتۇستىك قازاقستانعا تيەسىلى

پەتروپاۆل. قازاقپارات - مەملەكەت باسشىسى جۇمىس ساپارىمەن سولتۇستىك قازاقستان وبلىسىندا ءجۇر.

ءوڭىر اكىمدىگى بەرگەن مالىمەتكە سەنسەك، وبلىستا جىل سايىن 650 مىڭ توننادان استام ءسۇت وندىرىلەدى. بۇل - رەسپۋبليكا بويىنشا وندىرىلەتىن ءسۇت كولەمىنىڭ 10 پايىزى، دەپ حابارلايدى قازاقپارات.

سوڭعى بەس جىلدا وبلىستا 16,5 مىڭ باس ءىرى قاراعا ەسەپتەلگەن 30 ءسۇت فەرماسى اشىلدى.

بيىلدان باستاپ تاعى دا 17 تاۋارلىق ءسۇت فەرماسىن اشۋ ءۇشىن قوسىمشا 54,9 ميلليارد تەڭگە بولىنەدى.

ءوڭىردى كەشەندى دامىتۋ باعدارلاماسى اياسىندا «سولتۇستىك» الەۋمەتتىك-كاسىپكەرلىك كورپوراتسياسى ارقىلى جالپى قۇنى 35 ميلليارد تەڭگەگە 35 جوبا قارجىلاندىرىلعان.

مەملەكەت قولداۋىمەن 21 ءسۇت فەرماسى جانە 2 قۇس فابريكاسى اشىلدى. تاعى ءبىر قۇس فابريكاسى الداعى ۋاقىتتا پايدالانۋعا بەرىلەدى.

ەت ونىمدەرىن شىعارۋعا ماماندانعان «EMC- اگرو» ج ش س كەشەنىندەگى مال سانى 200 مىڭ باسقا دەيىن كوبەيىپ، قوسىمشا 180 جۇمىس ورنى اشىلماق.

ماي سىعاتىن زاۋىت، جىلىجاي، سۋارمالى ەگىستىك، اسىل تۇقىمدى قوي شارۋاشىلىعى سەكىلدى بىرنەشە باعىتتا ءتۇرلى جوبا جۇزەگە اسىرىلا باستاعان.