اباي وبلىسىنداعى ورمان ورتىنە 10 تىكۇشاق جۇمىلدىرىلدى
ونىڭ ىشىندە 2 تىكۇشاق اۋماقتى اەروۆيزۋالدى ۇشۋدى جۇرگىزەدى. بۇگىنگى تاڭدا 130 توننا سۋ شاشىلدى (بارلىعى 298 توگىندى، 745 توننا).
ق ر توتەنشە جاعدايلار مينيسترلىگىنىڭ باسپا ءسوز قىزمەتىنىڭ حابارلاۋىنشا، ءورتتى سوندىرۋگە جەكە قۇرامنىڭ 800 دەن استام ادامى، 200 دەن استام تەحنيكا، 1 ق ت ج ءورت ءسوندىرۋ پويىزى جۇمىلدىرىلدى.
قازىرگى ۋاقىتتا اۆياتسيالىق جانە اۆتوموبيل تەحنيكاسىن پايدالانا وتىرىپ، ءۇش ۋچاسكەدە ءورت ءسوندىرىلىپ جاتىر. سونداي-اق 68303 ت ج م اسكەري ءبولىمىنىڭ جانە قورعانىس مينيسترلىگىنىڭ اسكەري قىزمەتشىلەرى جەكەلەگەن وشاقتاردى سوندىرۋدە.
قازىرگى ۋاقىتتا ءۇش ۋچاسكەدە اۆياتسيالىق جانە اۆتوموبيل تەحنيكاسىن پايدالانا وتىرىپ ءورتتى ءسوندىرۋ جۇمىستارى جۇرگىزىلۋدە.
قازىرگى ۋاقىتتا ەلدى مەكەندەرگە قاۋىپ ءتونىپ تۇرعان جوق.
جالپى جانۋ اۋماعى شامامەن 3500 گەكتاردى قۇرايدى.
سەكۋندىنا 6-10 مەتر ەكپىندى جەل سالدارىنان، ءورتتى ءسوندىرۋ جۇمىستارى قيىنداپ وتىر. سونداي-اق تىعىز وسەتىن داقىلدار مەن تۇزدى جەرلەردىڭ بولۋى دا ءورتتىڭ ورشۋىنە اسەر ەتۋدە.
اۋدان اكىمى ە. سەليحانوۆتىڭ شەشىمىمەن اباي وبلىسىنىڭ بورودۋليحا اۋدانىندا جەرگىلىكتى اۋقىمداعى تابيعي سيپاتتاعى توتەنشە جاعداي جاريالاندى.
ءورتتى ءسوندىرۋ جەرگىلىكتى اتقارۋشى ورگاندارمەن تىعىز قارىم-قاتىناستا جۇزەگە اسىرىلادى. سونداي-اق، اباي وبلىسىنىڭ «Birgemiz ۆولونتەرلەر فرونت-وفيسىمەن ءورت ءسوندىرۋ ورىندارىندا ۆولونتەرلەر، ولاردىڭ ۇيىمدارىنىڭ جۇمىسى ۇيىمداستىرىلىپ، ۇيلەستىرىلۋدە.
ت ج م مەن اباي وبلىسى ت ج د جەدەل شتابتارىنىڭ جۇمىسى جالعاستىرىلۋدا، ولاردىڭ مىندەتتەرى ت ج ايماعىنداعى جاعداي تۋرالى دەرەكتەردى جيناۋ، وڭدەۋ جانە تالداۋ، قاجەتتى اقپاراتتى بەرۋ؛ ت ج كۇردەلەنۋىن جانە ولاردىڭ سالدارىن بولجاۋ؛ ت ج جويۋ ماسەلەلەرىن جەدەل شەشۋ بويىنشا ۇسىنىستار دايىنداۋ بولىپ تابىلادى. سونداي-اق ءورت ورنىندا كوماندالىق-شتابتىق ماشينانىڭ جۇمىسى جۇرگىزىلۋدە.
«قازگيدرومەت» دەرەكتەرى بويىنشا 24-26- مامىردا اباي وبلىسىنىڭ بورودۋليحا اۋدانىندا سەكۋندىنا 15-20 مەترگە دەيىن ەكپىنى بار سولتۇستىك-شىعىس جەل كۇتىلەدى»، - دەلىنگەن حابارلامادا.