شىمكەنت تۇرعىنى اقشانى قولدان جاساعانى ءۇشىن 10 جىلعا سوتتالدى

None
استانا. قازاقپارات - شىمكەنتتە اقشانى قولدان جاساعان تۇرعىن 10 جىلعا باس بوستاندىعىنان ايىرىلدى، - دەپ حابارلايدى otyrar.kz.

بۇل تۋرالى شىمكەنت بويىنشا ەكونوميكالىق تەرگەپ-تەكسەرۋ دەپارتامەنتىنىڭ باسقارما باسشىسى كاميلحان يسمايلوۆ ايتتى.

«شىمكەنت بويىنشا ەكونوميكالىق تەرگەپ- تەكسەرۋ دەپارتامەنتى ە. دەگەن ازاماتقا قاتىستى جالعان 9300 ا ق ش دوللارىن وتكىزۋ بويىنشا قىلمىستىق ءىس تىركەلىپ، سوتقا جولداندى. كۇدىكتى 10 جىلعا باس بوستاندىعىنان ايرىلدى»، - دەدى ول.

ق ر ۇلتتىق بانكىنىڭ جالعان بانكنوتتارى مەن مونەتالارىن سونىمەن قاتار مەملەكەتتىك باعالى قاعازداردى، شەتەل ۆاليۋتاسىن نەمەسە ونداعى باعالى قاعازداردى وتكىزۋ ماقساتىندا جاساۋ نەمەسە ساقتاۋمەن اينالىسقاندارعا ق ر قىلمىستىق كودەكسىنىڭ 231-بابى بويىنشا جازالانادى.

زاڭ بۇزۋشى جاسالعان قىلمىستىڭ اۋىرلىق دارەجەسىنە قاراي مۇلكى تاركىلەنەدى نەمەسە 5 جىلدان 12 جىلعا دەيىنگى مەرزىمگە باس بوستاندىعىنان ايرىلۋى مۇمكىن.

سوڭعى جاڭالىقتار